Zertificat de idoneité por l'adoranza de gasc da tosser

N sorvisc dl'aministraziun provinziala de Südtirol

Descriziun generala

Che che adora gasc da tosser sciöche por ejëmp amoniach, clor, cianig, diossid de solper y d‘atri, á debojëgn aladô dles desposiziuns varëntes dl zertificat por l’adoranza de gasc da tosser.

Por ciafé le zertificat d'abilitaziun por adoré gasc da tosser vál debojëgn dl'idoneité fisica, psichica y morala y an mëss passé n ejam a usc y na proa pratica.
 
L’ejam é dui iadi al ann. La zircolara vëgn ortiada al Consorz di Comuns dla Provinzia de Balsan y ales assoziaziuns de categoria.

Le resultat dl ejam vëgn lascé alsavëi por scrit.

Le zertificat é da revijioné vigni 5 agn. L’ultimo control general di zertificac é gnü comané dal Diretur general por la Prevenziun cun le decret dl Ministere por la sanité di 23 de dezëmber dl 2020, publiché tla Gasëta Ofiziala Seria Generala n. 5 di 08.01.2021

Le zertificat pó gní tut sce al n’é nia les condiziuns por le renové. Le zertificat toma sce al ne vëgn nia fat domanda de arlungiamënt cina ai 31 de dezëmber dl ann che al toma.
Sce an renunziëia al zerificat  mëss le zertificat gní dé jö pro l’Ofize Prevenziun, Promoziun dla Sanité y Sanité publica.
Che che renunziëia a so zertificat, mëss le lascé alsavëi por scrit y ajunté ala renunzia scrita so zertificat. Le zertificat mëss gní dé jö: al ne pó no gní tigní zoruch no gní dé inant.

  • Idoneité fisica, psichica y morala
  • degönes condanes
  • degügn prozedimënc penai
  • avëi cumplí 18 agn
  • avëi stlüt jö la scora d'oblianza.

Por tó pert al ejam por ciafé o renové le zertificat ne vál nia debojëgn d'avëi tut pert a n curs de formaziun o ajornamënt.

Relasciada dl zertificat d'abilitaziun por adoré gasc da tosser

  • Domanda d'amisciun al ejam y de relasciada dl zertificat d'abilitaziun
  • fotografia da passaport digitala fata dan da püch da na ressoluziun alta tl format jpg
  • fotocopia de n documënt d'identité varënt

Renovamënt dl zertificat d'abilitaziun por adoré gasc da tosser

  • Domanda de revijiun dl zertificat d'abilitaziun
  • fotografia da passaport digitala fata dan da püch da na ressoluziun alta tl format jpg
  • fotocopia de n documënt d’identité varënt
  • zertificat sotmetü a revijiun

Emisciun de n duplicat dl zertificat d'abilitaziun por adoré gasc da tosser

  • domanda d'emisciun de n duplicat
  • fotografia da passaport digitala fata dan da püch da na ressoluziun alta tl format jpg
  • fotocopia de n documënt d'identité varënt
  • Sce la zertificat é dër en malester él da dé jö le zertificat da renové y sce an á pordü le zertificat o sce al s'é gnü tut él da ajunté la denunzia de pordüda o arobada.

Renunzia al zertificat d'abilitaziun por adoré gasc da tosser

La renunzia al zertificat mëss gní scrita sön papier scëmpl y gní dada jö cun le zertificat.

An adora dui martli da bol da 16,00 €: un por la domanda d'amisciun al ejam y un ma sce an á passé l'ejam por l’emisciun dl zertificat d'abilitaziun.

Le renovamënt y l’emisciun de n duplicat dl zertificat costa 16,00 € (martl da bol).

Argomënc dla proa a usc:

  • noziuns elementares de preparaziun y adoranza industriala di gasc, sön la fontana de intossiada tratan la fabricaziun y tratan l’adoranza dl gas, sön süa faziun da tosser y sön les normes de segurëza en general, sciöche ince sön i socursc d’emergënza;
  • conoscënza dl regolamënt sön l’adoranza di gasc da tosser aprové cun Decret roial di 9 de jená dl 1927, n. 147, mudé cun decret dl Presidënt dla Republica di 10 de jügn dl 1955, n. 854 y dantadöt dl titul II°.

Argomënc dla proa pratica:

  • les tecniches por les manipolaziuns desvalies coliades ala conservaziun y al'adoranza, sciöche ince al trasport de vigni gas da tosser por chël che al vëgn damané l’autorisaziun;
  • l'adoranza de mascheres o de aparac cuntra i gasc

La Scora profescionala provinziala por l’artejanat y l’industria “Luigi Einaudi” da Balsan organisëia cursc de preparaziun al ejam por talian, olache al pó gní acuisí les noziuns damanades, sce al é assá porsones interessades. Tel. 0471 414461

La Scora profescionala provinziala por le comerz y l’industria da Balsan organisëia cursc de preparaziun al ejam por todësch, olache al pó gní acuisí les noziuns damanades, sce al é assá porsones interessades. tel. 0471 540723

(Sorvisc actualisá ai: 16/02/2021)

Ënt competënt

Ofize Prevenziun, Promoziun dla sanité y Sanité publica
Palazzo 12, via Canonico Michael Gamper 1, 39100 Balsan
Telefono: 0471 41 81 60
0471 41 81 61
E-mail: praevention@provinz.bz.it
PEC: praevention.prevenzione@pec.prov.bz.it
Website: http://www.provinzia.bz.it/

Orar por la jënt:

Lönesc - vëndres : 9.00 - 12.00
Jöbia: 9.00 - 13.00 y 14.00 - 17.30

Terminns

Der Einreichetermin für den Antrag auf Zulassung zur Befähigungsprüfung  für die Verwendung von giftigen Gasen wird dem Südtiroler Gemeindenverband sowie den Berufsverbänden mittels Rundschreiben bekannt gegegeben.

Die Anträge auf Erneuerung werden bis zum 31. Dezember des Verfallsjahres des Nachweises angenommen.

Die nächste Befähigungsprüfung  findet am 16. Dezember 2020 statt