Einmaliger Beitrag “Entlastungsbonus”

N sorvisc dl'aministraziun provinziala de Südtirol

Descriziun generala

Ara se trata de n intervënt de sostëgn straordinar a bëgn de porsones y families por ti ester al gran incremënt di cosć energetics. Le bonus é de 500,00 euro y vëgn paié fora te un n iade.

Families cun mitans y mituns de mëndra eté y de majera eté cun handicap che ciafa bele l’assëgn provinzial por i mituns n’á nia bria da presenté ciamó na domanda; ares ciafa automaticamënter le contribut straordinar una tantum de 600,00 euro cun l’assëgn por i mituns.

Clican sön le botun "Inant al sorvisc online” te myCIVIS röion al formular por dé jö la domanda.

  • Avëi la residënza tla Provinzia de Balsan canche i dëis jö la domanda;
  • Avëi n contrat de fornidöra de energia eletrica tl Südtirol;
  • Avëi la residënza anagrafica pro la misciun de fornidöra, chël ó dí pro le post olache al vëgn dé jö la forza eletrica.
  • La prestaziun pó gní damanda dal ghirau o dal aministradú de sostëgn dla porsona intestatara.
  • Chësta prestaziun n’é nia compatibla cun le paiamënt straordinar una tantum sciöche assëgn provinzial por i mituns por porsones che fej pert de na familia che ciafa chësc contribut y á la medema residënza anagrafica co chësta.
  • Por dé jö la domanda mësson avëi n’atestaziun ISEE dla familia dla porsona che fej domanda.
  • Le valur da dé dant tla domanda é l’ISEE ORDINAR.
  • Le valur ISEE ne pó nia superé i 40.000,00 euro.

Por les domandes dades jö cina ai 31.12.2022 él da tó le valur ISEE 2022.

Por les domandes dades jö dal 1.1.2023 pól gní tut da che che fej domanda le valur ISEE 2022 o 2023.

Il valur de referimënt é dagnora chël dl ISEE ORDINAR.

L’intestaziun dla fornidöra de forza eletrica messará gní confermada dal inserimënt tla domanda dl POD (Point Of Delivery), dal codesc de numeri y lëtres (metü adöm da 14 o 15 caraters) che identifichëia a na moda sigüda le punt fisich olache l’energia vëgn dada jö dal venditur y prelevada dal cliënt final. Le POD é sön la bolëta dla forza eletrica.

Le valur ISEE pó gní calcolé te n CAF (Zënter de assistënza fiscala) o en autonomia tres le sorvisc online dl INPS: INPS - Isee Scrit fora.

Chësc sorvisc pité dai patronac y zëntri de assistënza fiscala é debann.

An pó dé jö ma öna na domanda por le medemo contrat de fornidöra dla forza eletrica y/o por la medema unité abitativa.

Trasparënza
Informaziuns sön la dorada dl prozedimënt, le responsabl dl prozedimënt, le podëi sostitutif tl caje che al ne vëgnes fat nia y i stromënc de sconanza aministrativa y iurisdizionala ciafon chiló.

Informaziuns aladô dl art. 13 dl Regolamënt UE 2016/679 dl Parlamënt Europeich y dl Consëi di 27 d'aurí dl 2016  y dl Decret legislatif di 30 de jügn dl 2003, n. 196.

Titolar dl tratamënt di dac personai é l’Agenzia por le svilup sozial ed economich (ASSE), tla via Canonico Michael Gamper, n. 1, Palaz 12, 39100 Balsan, 

E-mail: aswe.asse@provincia.bz.it; PECaswe.asse@pec.prov.bz.it.  

Responsabl dla proteziun di dac (RPD): I dac de contat dl RPD de ASSE é:  

Gruppo Inquiria Srl, Email: a.avanzo@inquiria.it, PEC: inquiria@pec.it 

Fins dl tratamënt: I dac dá jö gnará laurá fora, ince tla forma eletronica, dal personal autorisé dl’Agenzia por le svilup sozial ed economich por i fins istituzionai coliá al prozedimënt aministratif por chël che ai vëgn dá jö, aladô dl art. 11 dla lege provinziala di 18 de messé dl 2022, n. 13, y mudaziuns suandëntes.

La porsona inciariada dl tratamënt di dac é le Diretur/la Direturia pro tempore dl’ASSE te süa sënta. 

Rajun dla surandada di dac y conseguënzes sce an ne i dá nia jö: I dac mëss gní dá jö por desfiré i compic aministratifs damaná. Sce an ne dá nia jö i dac damaná ne vára nia da jí inant cun les domandes y ghiranzes menades ite. 

Comunicaziun y destinatars di dac: I dac podará gní lasciá alsavëi a d’atri sogec publics por i ademplimënc di dovëis de lege y/o contratuai tl cheder dl desfiramënt de sües funziuns istituzionales y a vigni moda te na relaziun strënta cun le prozedimënt aministratif metü a jí, dantadöt: al istitut bancar che gestësc le sorvisc de Tesoreria dl’Agenzia; ales forzes dl ordin y ales autorités iudiziares; a Alto Adige Riscossioni Spa. Ai ti podará ince gní lasciá alsavëi a Alto Adige Riscossioni Spa y a sogec che pita sorvisc por la manutenziun y gestiun dl sistem informatich dl’Aministraziun provinziala y/o dl sit internet istituzional dl Ënt, ince tla modalité de cloud computing. Le cloud provider Microsoft Italia Srl, che ti fornësc ala Provinzia le sorvisc Office, s'á tut dant aladô dl contrat da ne trasferí nia i dac personai defora dal'Uniun Europeica y dai Paisc dl raiun economich europeich (Norvegia, Islanda y Liechtenstein), zënza les garanzies adeguades preodüdes dala seziun V dl Regolamënt 2016/679. I destinatars di dac nominá dessura á la funziun de responsabl estern dl tratamënt di dac, o laora daldöt autonomamënter sciöche Titolars dl tratamënt independënc.  

Trasferimënc de dac: I dac gnará ma trasferis te Paisc UE y tla Svizera aladô dl Regolamënt (CE) n. 883/2004 y dla Dezijiun n. 1/2012 dl Comité moscedé metü sö aladô dl’acordanza danter la CE y sü stac mëmbri, da öna na pert, y la Confederaziun Svizera, dal’altra, sön la zircolaziun lëdia dles porsones. 

Difujiun: Olache la difujiun di dac é obligatoria por ademplí dovëis spezifics de publizité preodüs dal ordinamënt varënt, ne vëgnel nia aziché les garanzies preodüdes da desposiziuns de lege sön la proteziun di dac personai che reverda la porsona interessada.  

Dorada: I dac gnará tignis sö por le tëmp che vá debojëgn por ademplí i dovëis de lege varënc en materia fiscala, contabla y aministrativa, sciöche preodü dales desposiziuns en materia.  

Prozes de dezijiun automatisé: Le tratamënt di dac ne se basëia nia sön n prozes de dezijiun automatisé. 

Dërc dla porsona interessada: Aladô dles desposiziuns de lege varëntes pó vigni porsona interessada ti rové pormez te vigni momënt sön domanda a sü dac; sce ara i arata falá o nia complec póra damané che ai vëgnes mudá o integrá; ara pó damané che ai ne vëgnes nia laurá fora, che ai vëgnes cancelá o che al vëgnes limité l'elaboraziun tan inant che al é preodü dala lege. Tl ultimo caje pó i dac personai cun n'elaboraziun limitada, stlüt fora la conservaziun, ma gní laurá fora cun l'autorisaziun dla porsona che fej domanda por l’eserzize iudiziar de n dërt dl titolar, por la proteziun di dërc de terzi o por rajuns de gran interes publich.  

La domanda é da ciafé sön chësta plata web:http://www.provincia.bz.it/it/amministrazione-trasparente/dati-ulteriori.asp.  

Recurs: La porsona interessada pó dé jö na reclamaziun pro le Garant por la proteziun di dac o fá recurs pro l’autorité iurisdizionala, sce ara ne ciafa nia na resposta te 30 dis da canche ara á dé jö la domanda, ater co sce le termin vëgn arlungé cun motivaziun cina a 60 dis por rajuns liades ala complessité dla domanda o ajache al é tan de domandes.  

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 29/12/2022)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 11 Fabiana Gabella
0471 41 83 20 Cosima Serio
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: http://asse.provincia.bz.it/

Orar por la jënt:

Montag, Dienstag, Mittwoch und Freitag: 9.00 - 12.00 Uhr
Donnerstag: 8.30 - 13.00 Uhr 14.00 - 17.30 Uhr

Terminns

La domanda é da dé jö pian ia dal 1° de dezëmber dl 2022 cina ai 31 de merz dl 2023.

Dé jö la domanda
La domanda mëss gní dada jö pro n patronat o tres le sorvisc online eGov.

Logo efre - fesr

Dieser Online-Dienst wurde mit Fördermitteln des EFRE im Rahmen des Programmes „PAB goes digital" realisiert.