Register provinziel dla artistes y di artisć

Descriziun generala

La Provinza mët su n register provinziel dla artistes y di artisć pra la singula Repartizions cultura, per cunëscer l numer de artistes y artisć che sta tl Südtirol, per pudëi udëi dant tl daunì danter l auter mesures de sustëni per chësta categuria.

La iscrizion tl register provinziel vën fata sun dumanda dla singula persona.

La iscrizion tl register provinziel vel per cater ani.

Sce n uel fé dumanda per cuntribuc previdenziei aldò dla lege provinziela n. 4/2020 ie da fé uni ann na dumanda de iscrizion.

Pernanche l se ëssa da mudé i recuisic per la iscrizion y/o i dac persunei ie chësc da ti fé al savëi al ufize de cumpetënza.

Per unì scrit ite tl register provinziel muessa la persona che fej dumanda:
- sté te Südtirol
- avëi laurà de prufescion ti doi ani dan avëi dat ju la dumanda te un o de plu ciamps artistics aldò dla lista che ie da abiné tl formuler.

Ala dumanda de iscrizioni iel da njunté:
- copia de n documënt de identità che vel
- curriculum vitae te chël che n vëiga la atività artistica
- relazion sun la atività artistica prufesciunela ti doi ani dan avëi dat ju chësta dumanda.

L ie de bujën de na marca da bol da € 16,00.

Lege provinziala di 27 de messè dl 2015, n. 9 Lege provinziela per l'ativiteies cultureles
Delibera dla jonta Provinziela n. 614 di 30.08.2022

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 22/09/2022)

Ënt competënt

Ofize Cultura ladina y Jonëza
Str. Binder/Bottai 29, 39100 Balsan
Telefono: 0471 41 70 40
E-mail: culturaladina@provinz.bz.it
PEC: culturayintendenzaladina@pec.prov.bz.it

Terminns

26 de stëmber 2022

dal 01.01.2023: 31 de mei de uni ann