Cultura ladina: Emergënza COVID-19/ Mosöra straordinara por artisć y artistes de profesciun

Descriziun generala

La sovenziun de 5.000,00 euro n’é no n’indenisaziun por pordüdes de entrades, no n aiüt sozial. La sovenziun mëss gní tuta da realisé manifestaziuns y proiec culturai tla provinzia da Balsan o da realisé proiec creatifs/artistics nüs (por ej. da auturs/auturies por proiec de scritöra, da musizisć/musizistes por proiec de composiziun o ince por proiec de inrescida culturai).

La domanda pó gní fata da artisć y artistes che laora te chisc ciamps: ert rapresentativa, musiga, ert figurativa, leteratöra o film.

Artisć y artistes de profesciun che n’á nia n contrat de laur dependënt de passa le 50% (contrat a tëmp parzial) dl Südtirol o che laora tl Südtirol.  L’ativité artistica é da descrí tl curriculum vitae. Implü mëssel gní desmostré d’avëi realisé y presenté al publich altamo dui proiec sides dl 2018 che dl 2019 (rapresentaziuns, mostres, letöres, publicaziuns de vigni sort). Les artistes y i artisć südtirolesc, che ne vir nia tl Südtirol, mëss avëi realisé i proiec dl 2018 y dl 2019 tl Südtirol.


Da chësta mosöra él stlüt fora i artisć y les artistes che á n contrat de laur dependënt de passa le 50% , é en ponsiun o frecuentëia le pröm percurs universitar de formaziun artistica. Artistes y artisć che ciafa dl 2021 n contribut-COVID dla Repartiziun provinziala Economia de 5.000 euro é stlüc fora da chësta mosöra. La sovenziun é coliada ala realisaziun dl proiet aristich, che vëgn fat do che al é gnü dé jö la domanda.

  1. Fomular
  2. Descriziun detaiada dl proiet
  3. Curriculum vitae (CV), olache al vëgn dé dant la formaziun y la cariera artistica
  4. Documentaziun de altamo dui proiec realisá y presentá al publich dl 2018 y de altamo 2 proiec realisá y presentá al publich dl 2019
  5. Copia de n documënt de identité

Marca da bol da 16,00 €. 

La sovenziun de 5.000 euro vëgn paiada fora do che al é gnü dé jö na relaziun sön le proiet artistich realisé.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 03/06/2021)

Ënt competënt

Ofize Cultura ladina y Jonëza
Str. Binder/Bottai 29, 39100 Balsan
Telefono: 0471 41 70 10
E-mail: culturaladina@provinz.bz.it
PEC: culturayintendenzaladina@pec.prov.bz.it
Website: http://www.provinzia.bz.it/

Orar por la jënt:

Pudëis zënzauter nes cherdé su al numer 0471/ 41 70 21oder nes scrì na  e-mail culturaladina@provinz.bz.it.
Daviert al publich: 9-12.00; 14.30-16.15

Terminns

03.08.2021