Ejam d'azertamënt dles conescënzes linguistiches por l'amisciun ala formaziun spezialistica tl ciamp sanitar

AVIS IMPORTANT

Aladô dl’ordinanza presidenziala n. 28 di 30.07.2021 podará ma les candidates y i candidac che á le zertificat vërt (Green Pass) fá, pian ia dai 6 d’agost dl 2021, i ejams de azertamënt de conescënzes linguistiches. Le Green Pass messará gní mostré sö le de dl ejam.

Te chësta ordinanza, él miné cun zertificat vërt chël dé fora aladô dl decret lege di 22 d’aurí dl 2021, n. 52, trasformé te lege di 17 de jügn dl 2021, n. 87, y dl DPCM di 17 de jügn dl 2021, che proa öna de chëstes situaziuns:

a) al é gnü fat la variora cuntra le SARS-CoV-2;
b) la porsona é varida dal’infeziun da SARS-CoV-2;
c) al é gnü fat n test por ciafé sö le SARS-CoV-2 y le resultat é negatif.

Sce i ne sciafiëis nia da mostré sö le Green Pass le de dl ejam, ne podëise nia fá l’ejam. 
I candidac y les candidates mëss se vistí altamo la maschera chirurgica o na maschera da na majera proteziun. An ne pó nia tó mascheres de peza.

L'ejam d'azertamënt dles conescënzes dl lingaz talian y todësch vel ma por l’amisciun ala formaziun medich-spezialistica y ala formaziun spezifica de medejina generala o a n’atra formaziun spezialistica tl ciamp sanitar y ne vëgn nia ecuiparada al atestat de bilinguism “C1” (ex liv. A).

L'ejam por azerté la conescënza dl lingaz é metü adöm da na proa de comprenjiun tl ascuté sö, na proa de comprenjiun tla letöra, n ejam scrit y n ejam a usc.

L'ejam ne vel nia por la formaziun da dotur spezialistica tl Südtirol.