Lascé alsavëi faziuns colaterales dles medejines y variores

N sorvisc dl'aministraziun provinziala de Südtirol

Descriziun generala

Les segnalaziuns spontanees de faziuns colaterales é na fontana d’informaziun importanta por les ativités de verda dles medejines, ajache ares conzed da reconësce i segnai d’alarm sön l’adoranza dles medejines/variores desponibles sön le teritore nazional. La verda dles medejines tol ite, a liví desvalis, döta la popolaziun: paziënc, prescriturs, operadus sanitars, aziëndes farmazeutiches, istituziuns y academies. La segnalaziun ne pó nia ma gní fata dal operadú sanitar mo ince dai zitadins.
La reaziun colaterala é na reaziun che danejëia y che an n'ó nia che vëgn a s'al dé, do avëi tut cun n'autorisaziun na medejina/variora aladô dles condiziuns d’adoranza normales, o porvia de fai terapeutics, n'adoranza nia conform ales indicaziuns contignides tl’autorisaziun o na maladoranza dla medejina/variora.

La segnalaziun spontanea sce an arata che al sides na faziun colaterala podará gní fata aladô de chëstes modalités.
I operadus sanitars y/o i zitadins podará:
A) le segnalé online sön le portal Vigifarmaco www.vigifarmaco.it
B) o scrí fora la scheda de segnalaziun sön papier che an arata che al sides na faziun colaterala (metüda sö cun le DM 12/12/2003). Chësta scheda é, n iade scrita fora, da ortié inant al Responsabl dla verda dles medejines dla strotöra sanitara competënta;
C) o scrí fora on-line la scheda de segnalaziun eletronica che an mina che al sides na faziun colaterala. Do avëi scrit fora la segnalaziun on-line, pó la scheda gní salvada sön le PC y ortiada tres e-mail al Responsabl dla verda dles medejines dla strotöra sanitara competënta. En alternativa pó le formular on-line gní stampé, scrit fora y ortié inant al Responsabl dla verda dles medejines de süa strotöra de  portignënza (aladô dla modalité descrita sot le punt B).
I contac de düc i Responsabli dla verda dles medejines dles strotöres sanitares:

STROTÖRA

RESPONSABL

MISCIUN

TELEFON

FAX

E-MAIL

RAIUN SANITAR DE BALSAN

PAOLA CRISTINA CAPPELLETTO

STRADA LORENZ BOEHLER 5 - 39100 BALSAN (BZ)

0471908295

0471935236

paolacristina.cappelletto@sabes.it

RAIUN SANITAR DE MARAN

DORIS VINATZER

STRADA ROSSINI 5 - 39012 MARAN (BZ)

0473267729

0473264690

doris.vinatzer@sabes.it

RAIUN SANITAR DE PORSENÚ

XENIA SOTTARA

STRADA DANTE 51 - 39042 PORSENÚ (BZ)

0472813260

0472813269

xenia.sottara@sabes.it

RAIUN SANITAR DE BORNECH

DOROTHEA WACHTLER

STRADA OSPEDALE 11 - 39031 BORNECH (BZ)

0474581904

0474581901

dorothea.wachtler@sabes.it



Le Responsabl dla verda dles medejines se crüzia da mëte les segnalaziuns de faziuns colaterales tla Rëi Nazionala dla verda dles medejines. A chësta vëgnel  monitoré tresfora les faziuns colaterales y la segurëza dl’adoranza dles medejines.

Decret legislatif di 24 d’aurí dl 2006, n. 219

(Sorvisc actualisá ai: 23/04/2020)

Ënt competënt

Ofize Govern sanitar
Palazzo 12, via Canonico Michael Gamper 1, 39100 Balsan
Telefono: 0471 41 80 50
0471 41 80 51
E-mail: gesundheitssteuerung@provinz.bz.it
PEC: gesundheitssteuerung.governosanitario@pec.prov.bz.it

Terminns

Les doturies y i doturs y döt le personal sanitar mëss le lascé alsavëi te alplü 36 ores, sce ai arata che medejines y variores biologiches portes pro a faziuns colaterales; les faziuns colaterales de d’atres medejines mëss gní lasciades alsavëi le plü debota che ara vá y a vigni moda te dui dis.