Autorisaziun y acreditamënt di sorvisc dl’assistënza a ćiasa
N sorvisc dl'aministraziun provinziala de Südtirol
Descriziun generala
La Provinzia autorisëia y sostëgn, aladô dla normativa provinziala en forza, i sorvisc dl’assistënza a ćiasa.
L’acreditamënt vëgn fat cun na valutaziun profescionala, sistematica y periodica, che dess garantì che i sorvisc dl’assistënza a ćiasa va bun y che ai vëgn tresfora miorà.
L’acreditamënt é na condiziun essenziala por ti podëi pormez al finanziamënt publich cun laprò la stipolaziun de convenziuns o de d’atres sorts de contrać.
L’acreditamënt ne rapresentëia nia n impedimënt por i ënć publics da stipolè convenziuns o contrać cun i ënć che paia fora i sorvisc acredità.
Por i sorvisc dl’assistënza a ćiasa, por chi che al vëgn bele odü danfora na autorisaziun aladô dla normativa particolara, vel i criters de acreditamënt inće por ciafè l’autorisaziun al funzionamënt.
- Informaziuns en general: Assistënza a ćiasa
Tla Repartiziun Politiches soziales él gnü metü sö le Register di sorvisc soziai y sozio-sanitars acredità - Raiun por l’assistënza a ćiasa.
La surandada dl acreditamënt é subordinada al control sce le sorvisc va bëgn bun, ala planificaziun soziala provinziala, definida sön la basa dl bojëgn complessif, ales prioritês programatiches y ala destribuziun teritoriala di sorvisc dan man, inće por garantì l’azessibilité de chisc y de valorisé i raiuns de insediamënt prioritar.
L’autorisaziun y l’acreditamënt se damana che an ais chisc criters generai:
- al mëss gnì respetè les normes en forza en cunt dla: segurëza y la sconanza dla sanité sön le post de laûr, la igiena y les barieres architetoniches
La domanda de acreditamënt ti mëss gnì presentada ala Repartiziun politiches soziales, olache al vëgn tignì sö le Register di sorvisc soziai y sozio-sanitars acredità.
- Model "Domanda y renovamënt de autorisaziun y acreditamënt sorvisc dl’assistënza a ćiasa" (Ćiara injunta)
- Lege provinziala di 30 d’aurì dl 1991, n. 13 “Ordinamënt nü di sorvisc soziai tla Provinzia de Balsan” y mudaziuns y integraziuns suandëntes, art. 8, coma 1, lëtra x) y art. 14, coma 6 y coma 8
- Deliberaziun dla Junta provinziala di 16 de novëmber dl 2009, n. 2780: “Criters por l’autorisaziun y l’acreditamënt di sorvisc dl’assistënza a ćiasa”
- “Regolamentaziun de autorisaziun y acreditamënt di sorvisc soziai y sozio-sanitars”: Deliberaziun dla Junta Provinziala di 25 de jügn dl 2019, n. 535 Revocaziun dla deliberaziun di 28.06.2016, n. 740 y mudaziuns suandëmtes. Mudaziun dl’injunta A dla deliberaziun di 26.08.2013, n. 1190 (mudada cun deliberaziun di 17.12.2019, n. 1134).
Per d'autra nfurmazions prions bel de jì sun la plata dla istituzion cumpetënta per chësc servisc.
Formulars
Domanda y Renovamënt de acreditamënt sorvisc dl’assistënza a ćiasa
(Sorvisc actualisá ai: 08/04/2021)
Ënt competënt
Ofize Jënt atempada y raiuns soziaiPalazzo 12, via Canonico Michael Gamper 1, 39100 Balsan
Telefono: 0471 41 82 63 Christine Karadar
0471 41 82 51 / 52 Segreteria/Sekretariat
Fax: 0471 41 82 69
E-mail: amt.senioren@provinz.bz.it
PEC: senioren.anziani@pec.prov.bz.it
Website: http://www.provinz.bz.it/familie-soziales-gemeinschaft/soziales
Orar por la jënt:
Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30
Terminns
Le provedimënt sön l’acreditamënt vëgn relascè tl tëmp de 180 dis da canche an à ciafè la domanda.
L’acreditamënt vel döt alplü cin agn.
L’acreditamënt po gnì renovè sce an à presentè denant la domanda che va debojëgn almanco 60 dis denant che al tomes l’acreditamënt bele dan man.
Do che i sorvisc dauris danü á presenté la domanda de acreditamënt ciafi n acreditamënt provisore por le tëmp che ó ester por ciaré do les ativités fates y la cualité pitada.
