Mensa per seniores

N sorvisc di raiuns soziai

Descriziun generala

Te de majeri luesc de Südtirol iel unì metù su menses per seniores, manejedes da ënc publics o da ënc privac cunvenziunei. La mensa ti pieta almancul un n cëif al di adatà ala persones atempedes che per gaujes fisiches o psichiches ne ti ie nia plu a se l’anjinië nstësses. La mensa dë vester nce n luech, ulache l ne vën nia mé maià deberieda, ma la dë nce ti dé la ucajion ala persones suvënz sëules de cunëscer d’autra persones, de pudëi rujené y strënjer amezizies cun ëiles. Per seniores che ie boni de se muever, ie chësc n mesun per passé n pue de tëmp cun d’autra persones.

  • Lista dla menses per seniores che ie te Südtirol.  

Nfurmazions y stlarimënc giapëis pra l personal cumpetënt de vosc Servisc soziel raionel.

La dezijion n cont de na cumpartezipazion eventuela ala tarifa vel per n tëmp de alplù 12 mënsc.

L servisc ie de regula daviert a persones che à arjont i 60 ani; te caji particulers pò chësc servisc unì pità nce a d’autra grupes de persones. La dezijion en chësc cont ti spieta ai respunsabli dla mensa soziela deberieda al Servisc soziel raionel cumpetënt.

Cëla njontes:

A) „Dumanda per la cunzescion de servijes de ambulatore y a cësa“

B) "Autozertificazion sun la situazion de bujën de assistënza"

Na pert dla spëises vën curides dala man publica. L anuzadëur dl servisc de mensa à da tenì pea al paiamënt dla tarifa fisseda aldò de si ntredes/avëi, coche preudù dal D.P.J.P. di 11 de agost 2000, nr. 30.

  • Per l ann 2021 amonta la tarifa minima per la mensa per seniores a € 3,80 per un n cëif cumplet.

La tarifa mascima vën fisseda dal ënt cumpetënt dla gestion direta dl servisc mensa sun la basa di cosć de compra y de produzion per n cëif cumplet, la muessa curespuender al 100% a chisc cosć y ne daussa nia superé la tarifa mascima data dant uni ann dala dala Jonta provinziela.

 

Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla  Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales.  

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 14/01/2021)

Ënt competënt

Sozialsprengel BOZEN Gries Quirein
Loew Cadonna Platz 12, 39100 Balsan
Telefono: +39 0471 1626200
E-mail: SprengelGries@sozialbetrieb.bz.it
PEC: assb@legalmail.it

Terminns

Per fé dumanda de pudëi se nuzé de chësc servisc ne n’iel nia terminns particulers da tenì ite.