Pendolars – contribuć por les spëises de iade por le personal dependënt

N sorvisc dl'aministraziun provinziala de Südtirol

Descriziun generala

Contribuc por les spëises de iade al personal dependënt che mëss se sposté, por almanco 120 dis al ann (dis efetivamënter jüs te n ann calendar) dal post olache an stá normalmënter al post de laur y mëss fá na trassa de passa 18 chilometri, olache al n'é degügn sorvisc de linia dl trasport publich che vá almanco vigni mesora.

Te chisc caji vëgnel conzedü n contribut:

  1. sce ara ne vá nia da tó i mesi dl trasport publich deache le pröm meso publich röia sön le post de laur do che le turnus á metü man y/o l'ultimo meso publich pëia ia denant che le turnus se röies;
  2. sce le tëmp d'aspeta complessif da tó i mesi dl trasport publich plü adatá, tignin ince cunt de toc eventuai olache al é da jí a pe, é de almanco 60 menüc;
  3. sce an mëss fá passa 10 chilometri dal post olache an stá normalmënter por rové pro l'architada plü dlungia cun la poscibilité da parché, da olache al é a desposiziun n sorvisc de linia publich cun n tëmp d'aspeta complessif sot a 60 menüc; te chësc caje ciafon le contribut ma por la trassa danter le post olache an stá normalmënter y l'architada nominada.

  • Avëi n laûr dependënt;
  • avëi laurè y ester stà sön le iade altamo 120 dis al ann;
  • avëi na destanza de passa 18 km da ćiasa al post de laûr, sce ara ne va nia da tó i mesi dl trasport publich sciöche dé dant dessura;
  • avëi tëmps d’aspeta de altamo 60 menuć da adorè i mesi de trasport publich sce an fej la soma danter:
    1. le tëmp d’aspeta danter l’orar da rovè programè dl meso publich de linia plü adatè por arjunje le post de laûr y le scomenciamënt dl turnus de laûr;
    2. le tëmp d’aspeta danter la fin dl turnus de laûr y l’orar de partënza programè dl pröm meso publich de linia plü daimprò al post de laûr;
    3. tëmp d’aspeta por baratè meso de trasport publich de linia sides da jì co da gnì.
    4. Etwaige Fußwege von der Haltestelle zum Arbeitsplatz.

Le contribut vëgn calcolé ma por la trassa tl teritore provinzial, ince sce le contribut speta ma por la destanza danter le post olache an stá normalmënter y l'architada.

Te chisc caji ne vëgnel nia conzedü le contribut:

  • sce al vëgn adoré n veicul de sorvisc debann por rové sön le post de laur;
  • sce le contribut é de manco co 200,00 euro;
  • sce le davagn complessif brutto individual (düc i davagns zënza detraziun dles spëises che an pó trá jö) é de passa  50.000,00 euro al ann.

Les domandes de contribut é da presenté tres le portal online dla Rëi Zivica dl Südtirol; an ti pó ma pormez cun:

  • SPID*
  • Cherta d'identité eletronica (CIE)
  • Cherta di Sorvisc (Tessera sanitara) ativada

*SPID, le Sistem Publich de Identité Digitala te dá la poscibilité da ti podëi pormez a düc i sorvisc online dl’Aministraziun Publica cun n’Identité Digitala unica (username y password) che pó gní adorada da computer, tablet y smartphone.

De plü informaziuns:

Le personal dependënt dà jö i dać damanà sot süa responsabilité, porchël fej l'aministraziun provinziala controi a caje sön les detlaraziuns. Sce al vëgn fora dai controi che le contignü dles detlaraziuns é falzes, vëgnel apliché sanziuns.

Aladô dl decret dl Presidënt dla Republica n. 642 di 26.10.1972 vëgn la domanda sotmetüda a cuta de bol.

La cuta de bol (16 Euro) vëgn paiada:

1. tres n sëgn telematich: an cumpra le martl de bol te na botëga dal tabach y ne le taca nia sön la domanda, mo an dá ma dant i numeri dl codesc y la data d’emisciun dl martl de bol;

2. tres le paiamënt cun le formular F23 al'Agenzia dles entrades: le formular de paiamënt F23 – codesc de tribut 456T mëss gní scanscioné y ajunté; l’oget dla domanda mëss gní dé dant tla pert descritiva canche an l’ortia telematicamënter.

 

Le personal dependënt dá jö i dac damaná sot süa responsabilité, porchël fej l'aministraziun provinziala controi a caje sön les detlaraziuns. Sce al vëgn fora dai controi che le contignü dles detlaraziuns é falz, vëgnel apliché sanziuns.

Le contribut vëgn calcolé insciö: l'import de 0,05 euro (import unitar por chilometer) vëgn moltipliché cun le numer di chilometri por le iade da jí y da gní y cun le numer di dis da laur por chi che an á le dërt al contribut.

Les retificaziuns eventuales dla domanda de contribut por spëises de iade ti po gnì ortiades al Ofize Amimistrativ Mubiltè tres e-mail ContributiPendolari@provincia.bz.it, o por posta ala misciun: Ofize Amimistrativ Mubiltè, Plaza Silvius Magnago 3/Palaz 3B, 39100 Balsan.

(Sorvisc actualisá ai: 10/06/2022)

Ënt competënt

Ufize aministratif Mubilità
Palaz provinziel 3b, Plaza Silvius Magnago 3, 39100 Balsan
Telefono: 0471 41 46 65 KO
0471 41 46 61 KO
0471 41 46 60
E-mail: PendlerBeitraege@provinz.bz.it
verwaltung.mobilitaet@provinz.bz.it
PEC: pendler.pendolari@pec.prov.bz.it PEC Mail
verwaltung.amministrazione.mob@pec.prov.bz.it

Terminns

dumanda 2021: dal 1. de jügn 2022 al 29 de messé 2022.