Spëises de acumpaniamënt o de trasport
N sorvisc di raiuns soziai
Descriziun generala
Ala persones cun mpedimënc permanënc, che ne pò no se nuzé di mesuns de trasport publich urdinars no jì nstësc cun l auto, ti vëniel cunzedù la retuda dla spëises de acumpaniamënt o de trasport. Chësta situazion muessa unì cumpruveda tres na zertificazion dl dutor.
La spëises de trasport vën retudes te chëi caji, ulache la persona vën traspurteda a si spëises cun mesuns de trasport de terc da si cuatier nchin pra:
a) i servijes semistazioners, leprò ràten nce i servijes de assistënza per mëndri,
b) d’autri servijes per la prevenzion, la cura y la reabilitazion,
c) l post de lëur, nce per tò pert a pruiec de nserimënt tl lëur.
La retuda ti vën mplù mo cunzeduda a chëla persona che pò jì nstëssa cun l auto, ma mé per arjonjer l post de lëur.
Coche duta la prestazions d'assistënza economica ie nce l'erogazion dl rembursamënt dla spëises de trasport sometuda ala situazion economica dla familia.
Deplù nfurmazions ie da giapé tl articul 24 dl D.P.P. 30/2000.
La persones nunziedes tlo dessot à la rejon de giapé prestazions de assistënza economica sce les sta, dan fé na dumanda, da almanco dodesc mënsc stabilmënter y tresora tl Südtirol:
- i zitadins talians
- i zitadins de n stat dla Union europeica
- i zitadins de stac terc cun na permiscion de permanënza-UE a tëmp lonch data ora dala Talia
- la persones a chëles che l ti ie unit recunesciù l status de muciadives
- la persones a chëles che l ti ie unit recunesciù l status de prutezion sussidiera.
Oradechël à la rejon de giapé la prestazions de assistënza economica nce chësta persones, sce les sta da cin ani stabilmënter y zënza interuzion tla provinzia de Bulsan, a cundizion che si permanënza sun l teritore naziunel sibe legal:
- i zitadins de Stac terc;
- la persones zënza zitadinanza.
Cëla njontes:
- DOMANDA PRESTAZIUN DE PRÖM LIVEL
- „Autozertificazion de bujën de cura“
- „Autozertificazion genitor singul“
La nuzazion de chësc servisc ie gratis.
- Regulamënt d’esecuzion en cont di pruvedimënc de assistënza economica soziela y dl paiamënt dla tarifes ti servijes soziei: Decrët dl Presidënt dla Jonta pruvinziela di 11 de agost dl 2000, nr. 30, tla verscion en forza
- Regolamënt sön le relevamënt unifiché dl davagn y dl patrimoni: Decret dl Presidënt dla Provinzia di 11 de jenà dl 2011, n. 2
- Criters por ći che reverda les prestaziuns finanziares a bëgn dles porsones cun handicap preodüs tl DPP 30/2000: Deliberaziun di 10 de jügn dl 2013, n. 873
Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales
Per d'autra nfurmazions prions bel de jì sun la plata dla istituzion cumpetënta per chësc servisc.
Formulars
Dumanda 2020 assistënza economica soziela - prim livel
at 17.12.2019
- Formulars
Autozertificazion per genitores singui
- Formulars
Autozertificazion dl bujën de cura
- D’atres injuntes
(Sorvisc actualisá ai: 22/02/2022)
Ënt competënt
Finanzielle SozialhilfePaternsteig 3, 39031 Bornech
Telefono: 0474 55 55 48
Fax: 0474 55 51 38
E-mail: sozialsprengel.bruneck-umgebung@bzgpust.it
PEC: spbruneck.disbrunico@pec.bzgpust.it
Website: http://www.bezirksgemeinschaftpustertal.it/
Terminns
Te uni mumënt iel mesun fé dumanda pra l Servisc soziel cumpetënt – Servisc de assistënza ecunomica soziela.
