Ćiases por ëres
N sorvisc dl'aministraziun provinziala de Südtirol
Descriziun generala
Le sorvisc „Ciasa por ëres“ é fat de döes strotöres complementares:
I ofizi de consulënza por ëres te situaziuns de violënza rapresentëia le punt de referimënt concret por les ëres, che po jì personalmënter dales colaboradësses o ti telefonè; al vëgn pité chisc sorvisc:
- consulënza profescionala spezifica por ëres y consulënza psicosoziala, sciöche ince intervenziun te caji de crisa
- assistënza soziala
- consulënza iuridica profescionala
- discusciuns de preparaziun por l’acoliënza tles strotöres d’abitaziun y spo assistënza dles ëres y sü mituns.
Les consulënzes é debann y al vëgn garantì l’anonimat.
Strotöres d’abitaziun
- Ciasa por ëres
- Abitaziuns sconades
Te trami i caji vëgnel pité:
- organisaziun y assistënza dles acoliënzes programades y de emergënza dles ëres y sü mituns/sües mitans
- ospitalité provisora (al mascimo 6 mëisc) te n ambiënt solidal y sigü, sciöche ince nudrimënt y articui de pröma nezescité
- consulënza psicosoziala y assistënza soziala cun le svilup de n proiet individual por gnì fora dala violënza y por arjunje danü l’autonomia plëna
- al ti vëgn garantì n’assistënza ales ëres y a sü mituns ince do che ares s’un é jüdes dala strotöra d’abitaziun, por les sostignì tles dificoltês che ares podess incuntè.
La despartiziun en dui dl sorvisc nasc dal bojëgn de garantì l’anonimat y la proteziun tles strotöres d’abitaziun, por ti pité ales ëres vitimes de violënza n aiüt desvalì y che vais bun por vignöna.
Ëres che é al prigo de vigni forma de violënza o che nen à bele patì.
Inće les porsones che à debojëgn de informaziuns sön chësta tematica o che à contat cun ëres che subësc violënza po s’adressè ai zëntri de consulënza por ëres te situaziuns de violënza.
- Lege Provinziala di 6 de novëmber dl 1989, n. 10
„Istituziun dl Sorvisc Ćiasa por ëres“ - Lege di 4 d’aurì dl 2001, n. 154
„Mosöres cuntra la violënza tles relaziuns familiares“ (por talian) - D.P.P. di 11 d’aurì dl 2003, n. 12
„Regolamënt de esecuziun ala L.P. di 6 de novëmber dl 1989, n. 10 „Istituziun dl Sorvisc Ćiasa por ëres“. - decret lege di 23 de forá dl 2009 Mosöres de prescia por la segurëza publica y cuntra la violënza
- deliberaziun di 4 de dezëmber dl 2018, n. 1286 Abitaziuns de transiziun dl sorvisc Ciases por ëres
- convenziun dl Consëi d’Europa sön la prevenziun y la scombatüda dla violënza cuntra les ëres y dla violënza te ciasa
- Lege provinziala di 9 de dezëmber dl 2021, n. 13 Mosöres por schivé y scombate la violënza de gënder y por sostigní les ëres y sü mituns/sües mitans
Balsan
-
Zënter de consulënza por ëres te situaziuns de violënza - Ćiasa por ëres
Assoziaziun "GEA"
Str. Del Ronco, 17
tel. 0471 513399 Numer vërt: 800 276433
e-mail: info@casadelledonnebz.it
Homepage: http://www.casadelledonnebz.it/ -
Abitaziuns sconades
Assoziaziun "Ćiasa dles abitaziuns sconades" dl KFS
tel./fax 0471 970350 Numer vërt: 800 892828
e-mail: geschuetztewohnungenbz@dnet.it
Homepage: http://www.hdgw.it/
Maran
-
Zënter de consulënza por ëres te situaziuns de violënza - Ćiasa por ëres
Assoziaziun “DONNE CONTRO LA VIOLENZA – FRAUEN GEGEN GEWALT – ONLUS”
Corso Libertà, 184/A
tel. 0473 222335 Numer Vërt: 800 014008
e-mail: info@donnecontrolaviolenza.org
Homepage: http://www.frauengegengewalt.org/
Porsenù
-
Zënter de consulënza por ëres te situaziuns de violënza - Ćiasa por ëres
dl Comprenjore dla Val d’Isarch
Str. Roma 27
tel. 0472 820587 Numer vërt: 800 601330
e-mail: frauenhaus.brixen@bzgeis.org
Homepage: http://www.bzgeisacktal.it/
Bornech
-
Zënter de consulënza por ëres te situaziuns de violënza - Abitaziuns sconades
dl Comunité Comprensoriala Val de Puster
Str. Michael Pacher 6
tel. 0474 410252 Numer vërt: 800 310303
e-mail: frauenhausdienst@bzgpust.it
Homepage: www.bezirksgemeinschaftpustertal.it
Per d'autra nfurmazions prions bel de jì sun la plata dla istituzion cumpetënta per chësc servisc.
(Sorvisc actualisá ai: 22/06/2022)
Ënt competënt
Ofize por la Sconanza di mëndri y l'inclujiun sozialaPalazzo 12, via Canonico Michael Gamper 1, 39100 Balsan
Telefono: 0471 41 82 35 Alessia Brunetti
0471 41 82 31
Fax: 0471 41 82 49
E-mail: minoriinclusione@provincia.bz.it
PEC: kinderjugendinklusion.minoriinclusione@pec.prov.bz.it
Website: http://www.provinz.bz.it/sozialwesen
