Iustizia de reparaziun – na manira nöia da ponsé la “iustizia”
N sorvisc dl'aministraziun provinziala de Südtirol
Descriziun generala
Por la ressoluziun internazionala „UN Basic Principles on Restorative Justice“ vëgn la iustizia de reparaziun definida insciö: “Vigni prozedimënt olache la vitima y la porsona che á cometü le reat, sciöche ince i atri sogec eventuai o les comunités danejá da n reat tol pert ativamënter y adöm ala ressoluziun dles chestiuns che é gnüdes dal reat, generalmënter cun l’aiüt de na porsona esperta”. La Iustizia de reparaziun n’á nia da nen fá cun les logiches de sanziuns y paiamënc, y an mëss jí sura la logica dl castighe y dla puniziun fora por se daurí ala dimenjiun dl ressanamënt dla soferënza y dla reparaziun dles faziuns negatives che vëgn dal evënt criminal.
-
Ativaziun dl sorvisc tres la Magistratöra di mëndri,
-
por la mediaziun vál debojëgn dl consëns dl mënder autur dl reat y dla vitima,
-
le personal cualifiché che laora pro l’assoziaziun „La Strada-Der Weg“ tl ciamp dla Iustizia de reparaziun controlëia y valutëia sce al é les condiziuns por ativé n percurs de ressanamënt.
Tla Iustizia de reparaziun ne vëgn le reat nia plü odü sciöche violaziun de na norma, mo sciöche la violaziun de na porsona y dles relaziuns interpersonales. Da chësc depënn le dovëi da medié i torc fac.
Iustizia de retribuziun |
Iustizia de reparaziun |
vignun vëgn castié aladô de tan gran che le reat é |
l’obietif é chël da ressané le mal gaujé |
le reat é la violaziun de na norma |
le reat é la violaziun de na porsona |
le reat é tl zënter |
la vitima é tl zënter |
l’impostaziun é formala y vëgn gestida da avocac y magistrac |
la vitima vëgn tuta ite ativamënter |
la vitima á n rode secondar (sovënz ti vëgnel damané da pordené) |
la zentralité é dles porsones y dles relaziuns |
le mal vëgn paié cun n mal |
le mal vëgn dortoré |
che che á ofenü á paié tres la detenziun o programs de reeducaziun astrac y nia definis |
che che á ofenü á l'ocajiun da tó cosciënza dles conseguënzes de sües aziuns y pó fá val’ decuntra |
- Mediaziun scolastica: ara s’adressëia ales mitans y ai mituns cun manco de catordesc agn segnalá dala scora ala Procura dla Republica pro le Tribunal di mëndri. Les vitimes pó ester d'atri mituns y d'atres mitans, personal dozënt y nia dozënt o la scora. Al é na sort de mediaziun olache les perts é coliades dassënn y spartësc lercs y obietifs. L’obietif é le ressanamënt dl conflit y la reparaziun dl dann.
- Mediaziun penala di mëndri: ara se trata dla mediaziun classica danter autur y vitima de n reat. Ara ativëia n percurs de responsabilisaziun ti confrunc dles perts en conflit, de reconescimënt dl ater y dla coletivité.
- Colaboraziun cun l’USSM: ara á l’obietif da sensibilisé l’autur de n reat sön l’esistënza de na porsona ofenüda, da costruí la cosciënza di dagns y dl’ofenüda fata y da alisiré la desponibilité a incunté la porsona ofenüda, da ti pité ai mituns y ales mitans na poscibilité concreta de reparaziun tres l’acordanza danter istituziuns dl volontariat: assoziaziun “La Strada-Der Weg”, cooperativa soziala “Eureka”, Caritas, assoziaziun “Volontarius”.
D’atres informaziuns
-
Assoziaziun “La Strada-Der Weg”, via Visitazione 42, 39100 Balsan, tel. 0471 20 31 11, e-mail mediation@lastrada-derweg.org
-
USSM, Piazza Vittoria 47, 39100 Balsan, tel. 0471 26 28 54, e-mail ussm.bolzano.dgm@giustizia.it
-
Procura pro le Tribunal di mëndri
Per d'autra nfurmazions prions bel de jì sun la plata dla istituzion cumpetënta per chësc servisc.
(Sorvisc actualisá ai: 31/03/2022)
Ënt competënt
Ofize por la Sconanza di mëndri y l'inclujiun sozialaPalazzo 12, via Canonico Michael Gamper 1, 39100 Balsan
Telefono: 0471 41 82 30
0471 41 82 31
Fax: 0471 41 82 49
E-mail: minoriinclusione@provincia.bz.it
PEC: kinderjugendinklusion.minoriinclusione@pec.prov.bz.it