Cultura ladina > Atività artistica

N sorvisc dl'aministraziun provinziala de Südtirol

Descriziun generala

L possa unì sustenì chësta scumenciadives de artisć y artistes:

a) proiec artistics;
b) permanënzes de stude
c) partezipazion a workshops, cursc de furmazion de dureda curta y longia y d’autra scumenciadives analoghes, ora che la furmazion universitera y academica urdinera.

I artisć/la artistes à la puscibltà de giaté cuntribuc per proiec, cuntribuc ntegratifs, suvenzions per artisć y artistes y suvenzions de cualificazion. L possa unì cunzedù na suvenzion de cualificazion a artisć y artistes che ne à nia superà l 35ejim ann d’età.

I vantajes economics per la scumenciadives de artisć y artistes possa unì cunzedui a persones singules cun pruvenienza dala provinzia de Bulsan o che fej si atività tl teritore provinziel.

    Ala dumanda de cuntribut per n proiet prejenteda da n artist / n'artista, de suvenzion per artisć y artistes  y de suvenzion de cualificazion iel da njunté chësta documentazion:
    a) na descrizion detalieda dla scumenciadiva prugrameda;
    b) n preventif de spëisa tl detail;
    c) n plann de finanziamënt cun la ndicazion prezisa di mesuns economics;
    d) n cronoprogram dl’ativiteies;
    e) n curriculum vitae che mostra la furmazion y la cariera artistica.
    Ala dumandes de suvenzion de cualificazion iel oradechël da njunté na detlarazion sostitutiva che atestea la iscrizion ala istituzion furmativa o l nvit curespundënt.

L ie de bujën de na marca da bol da 16,00 €.

Per cie che reverda la rendicontazion Ve perions bel de cuntaté diretamënter l ufize culturaladina@provinz.bz.it.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 01/12/2022)

Ënt competënt

Ofize Cultura ladina y Jonëza
Str. Binder/Bottai 29, 39100 Balsan
Telefono: 0471 41 70 40
E-mail: Ladinische-Kultur@provinz.bz.it
culturaladina@provinz.bz.it
PEC: culturayintendenzaladina@pec.prov.bz.it
Website: http://www.provinzia.bz.it/ert-cultura/cultura/default.asp ;

Terminns

La dumandes de sustëni per atività artistica ie da dé ju nchina ai 31 de jené dl ann de referimënt. Sce la va de bujën, possen nce dé ju la dumanda ntan l ann.