Ćiases de palsa: Retüda dles spëises sanitares por les porsones che vir tles ciases de palsa

N sorvisc dl'aministraziun provinziala de Südtirol

Descriziun generala

Retüda dles spëises por cumpré o tó en leasing mascins, atrezadöres, aredamënc y d’atri bëgns sanitars mobii y i toc da baraté fora, che an adora por l’assistënza sanitara de porsones che vir te ciasa de palsa.

  • Lista di produć che po gnì rembursà (aj. 20.07.2017)

Les ciases de palsa acreditades che á l’idoneité preodüda dala lege por les manajé, pó damané do la retüda dles spëises.

  • Criters de retüda dles spëises (aj. 30.04.2021)

A) Por le contribut

Por les istituziuns che é bele mëssel gní dé jö chësta domanda:

  • domanda de conzesciun

Pro costruziuns nöies, restrotoraziuns o ampliamënc dla strotöra mëssel gní ajunté chisc documënc ala domanda:  

  1. domanda de conzesciun
  2. planimetria
  3. n plan cronologich cun sciazada avisa di investimënc sciöche preventif por i agn programá – cun sotescriziun digitala dl responsabl/dla responsabla

Leasing finanziar: Tl caje de investimënc fac tres leasing finanziar, mëssel gní dé jö l’original dl contrat de leasing o la copia autenticada o la copia zertificada, tl ofize competënt cina ai 31 de jená dl ann suandënt.

B) Por la domanda de licuidaziun, o:

  • detlaraziun sostitutiva cun copia dl decunt tl format PDF

 - o -

  1. Domanda de licuidaziun cun indicaziun dl ann de referimënt dla domanda
  2. cubita originala aladô dles desposiziuns de lege varëntes che se referësc ma ales spëises autoridsades
  3. original di documënc de trasport
  4. inciaria de paiamënt (o documentaziun che atestëia che al é gnü paié)
  5. notaziun de credit eventuala
  6. copia de vigni documënt nominé dessura

I dac sön la detlaraziun CVI toca pro i documënc che và debojëgn.

C) Por la rendicontaziun: I documënc de spëises dl ann dla retüda mëss gní relascé cina ai 31 de dezëmber dl medemo ann.

I documënc relasciá l’ann do la conzesciun dla retüda pó ma gní presentá sce al vëgn comproé che ai se referësc a prestaziuns de contrat fates o fornides l’ann de conzesciun dla retüda.

Le termin por le decunt final dles retüdes é ai 31 de dezëmber dl ann do la conzesciun  (por ej. por domandes conzedüdes dl 2020 é le termin ai 31.12.2021).

Te vigni caje mëss la domanda y les injuntes implü gní sotescrites digitalmënter; les porsones privates pó dé jö la domanda y les injuntes scansionades cun sotescriziun dl legal rapresentant/dla legala rapresentanta dl ënt y na copia de süa cherta d’identité.

Tl caje de leasing finanziar - Documënc che vá debojëgn por la domanda de licuidaziun:

Le paiamënt  dl contrat de leasing finanziar mëss gní stlüt jö te trëi agn y tl medemo tëmp mëssel gní trasferí le bëgn al benefiziar. La documentaziun che atestëia le paiamënt, o la detlaraziun sostitutiva che alda lapró, mëss gní dada jö vigni ann cin aai 31 de dezëmber tl ofize competënt.  

Por la domanda mëssel gní paié la marca da bol de 16,00 euro. I ënc publics ne mëss nia paié la marca da bol.

Sce la marca da bol ne vëgn nia dada jö diretamënter, mëssel gní dé dant sön la domanda le numer identificatif y la data d’emisciun.L’original dla marca da bol anulada mëss gní tignida sö tla sënta dl ënt por controi eventuai da pert di ofizi competënc.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 18/05/2021)

Ënt competënt

Ofize Jënt atempada y raiuns soziai
Palazzo 12, via Canonico Michael Gamper 1, 39100 Balsan
Telefono: 0471 41 82 66 Evi Waschgler
0471 41 82 51 / 52 Segreteria/Sekretariat
0471 41 82 51
Fax: 0471 41 82 69
0471 41 82 69
E-mail: amt.senioren@provinz.bz.it
amt.senioren@provinz.bz.it
PEC: senioren.anziani@pec.prov.bz.it
senioren.anziani@pec.prov.bz.it
Website: http://www.provinz.bz.it/familie-soziales-gemeinschaft/senioren
http://www.provinzia.bz.it/

Orar por la jënt:

Lönesc, mertesc, mercui, vëndres: dales 9:00 ales 12:00

Jöbia: dales 8:30 ales 13:00 y dales 14:00 ales 17:30

Terminns

31 de jená de vigni ann por les residënzes por la jënt atempada che é bele

  • Zircolara 2021    

31 d’otober de vigni ann por retüdes de de plü agn