Formaziun spezifica de medejina generala

1. Por podëi tó pert al concurs mësson avëi i recuisic suandënc:

a) la laurea de medejina y chirurgia (da dé jö cina les 12.00 dl de dan l’ejam d’amisciun);

b) l’abilitaziun por eserzité la profesciun da dotur (ejam de stat – i candidac y les candidates di stac mëmbri dl’Uniun europeica mëss dé jö le diplom preodü tl injunta A dl decret legislatif di 17 d’agost dl 1999, n. 368 da dé jö cina les 12.00 dl de dan l’ejam d’amisciun);

c) la registraziun tl ordin di doturs y di doturs dai dënz cina le de preodü por le scomenciamënt dl curs;

d) n’avëi nia albü condanes penales y n’ester nia gnü sotmetü a prozedimënc penai

e) avëi alplü 61 agn

f) avëi l’Atestat de bilinguism “C1” dla Provinzia de Balsan o avëi passé l’ejam d’azertamënt dles conescënzes linguistiches de talian y todësch por tó pert ala formaziun de medejina spezialistica y la formaziun spezifica de medejina generala - livel C1 (da dé jö cina les 12.00 dl de dan l’ejam d’amisciun). De plü informaziuns sön l’ejam é da ciafé chiló: Ejam de azertamënt dles conescënzes linguistiches por la formaziun spezialistica tl ciamp sanitar

• Curriculum vitae cun la data sotescrit (data alplü sis mëisc vedla)
• Diplom de laurea
• Zertificaziun de abilitaziun al’eserzize dla profesciun da dotur
• Zertificaziun de iscriziun al ordin
• Atestat de bilinguism C1 dla Provinzia de Balsan o atestat d‘avëi passé l’ejam d’azertamënt dles conescënzes linguistiches de talian y todësch por tó pert ala formaziun de medejina spezialistica y la formaziun spezifica de medejina - livel C1
• Copia dla cherta d'identité varënta o de n documënt d'identificaziun ecuivalënt

Chësc sorvisc é debann.

• Lege provinziala di 15 de novëmber dl  2002 n. 14, articul 5-21
• Decret dl Presidënt dla Junta provinziala di 20 d'otober dl 2003 n. 46 (regolamënt d'esecuziun)
• Deliberaziun dla Junta provinziala di 11 d'otober dl 2016, n. 1098 (Dienstverpflichtung)

• Le curs döra trëi agn. Tl caje de formaziun a tëmp parzial vëgn la dorada arlungiada aladô.
• La formaziun pratica vëgn fata tles repartiziuns desvalies di ospedai y ti ambulatori acreditá di doturs de medejina generala; por ci che reverda la formaziun teorica vëgnel tigní a Balsan seminars regolars.
• Programm dla formaziun: https://www.claudiana.bz.it/medicina-generale/piano-di-formazione.asp
• I davanjadusy les davenjadësses dl concurs mëss se paié instësc n assiguraziun cuntra i risc profescionai y cuntra i inzidënc che pudess suzede intartan l'ativitá de formaziun. Al è da prejenté l'attestaziun de avëi fat l assiguraziun dan la data de matüda man dl attivitè de formaziun
• I duturs che á fat formaziun spezifica de medejina generala mëss, anter cinch agn dal conseguimënt dl diplom, lauré sciöche dutur de medejina generala pur trëi agn da profescionist lëde o laurant dependënt tle territore dla provinzia de Balsan ti servisc che á chësta ativité.
• Tratan la formaziun vëgnel conzedü n stipendium al mëis aladô dl articul 8 dl decret dl Presidënt dla Provinzia n. 46/2003 de 2.084,00 euro, l’indenité surapró por les conescënzes linguistiches de 450,00 euro y le paiamënt suurapró al mëis de 700,00 euro preodü dai articui 10 y 11 dl decret dl Presidënt dla Provinzia n. 46/2003. Les somes é brutto. Tl caje de formaziun a tëmp parzial vëgn les somes smendrides aladô.