Ofize de consulënza familiara

N sorvisc dl'aministraziun provinziala de Südtirol

Descriziun generala

I ofizi de consulënza familiara vëgn finanzià dala Provinzia y manajà da assoziaziuns privates. L’Ofize de consulënza familiara ti pîta consulënza y aiüt ales families, ai pêrs y ales porsones singoles por problems tl ciamp sozial, psicologich, ginecologich, sciöche ince por problems dles relaziuns, dla sessualité, dl’educaziun o por chestiuns iuridiches.

En particolar pîta l’Ofize de consulënza familiara chisc sorvisc:

  • consulënza soziala, consulënza psico-pedagogica, consulënza sanitara y iuridica pro problems che toca la porsona singola, le pêr, la familia o le möt;
  • psicoterapia por porsones singoles, pêrs, families y grups;
  • mediaziun familiara;
  • consulënza ginecologica y vijites (metodes de prevenziun, gravidanza, menopalsa);
  • cursc de preparaziun por stè de pert;
  • cursc do ester stada de pert;
  • consulënza y valutaziun dles families che dà assistënza;
  • consulënza y valutaziun pro adoziuns;
  • incuntades de grup sön tematiches desvalies (alatè, menopalsa, puberté, educaziun y comportamënt tl mangé).

Destinatars:

porsones singules, pêrs y families.

Por n valgönes prestaziuns sanitares vëgn le ticket apliché aladô dla deliberaziun dla Junta provinziala n. 1068 di 21.06.2010. Por dötes les atres ativitês é les prestaziuns debann.

Les porsones che ô adorè chësc sorvisc po s’adressè a chëstes assoziaziuns che laôra al momënt sön le teritore de nosta provinzia:

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 12/01/2023)

Ënt competënt

Ofize por la Sconanza di mëndri y l'inclujiun soziala
Palazzo 12, via Canonico Michael Gamper 1, 39100 Balsan
Telefono: 0471 41 82 35 Alessia Brunetti
0471 41 82 31
Fax: 0471 41 82 49
E-mail: minoriinclusione@provincia.bz.it
PEC: kinderjugendinklusion.minoriinclusione@pec.prov.bz.it
Website: http://www.provinz.bz.it/sozialwesen

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30