Assëgn por la familia provinzial

N sorvisc dl'aministraziun provinziala de Südtirol

Descriziun generala

L'assëgn por la familia dla Provinzia é n sostëgn economich che speta cina le terzo ann de vita de n möt o cina che al pó jí a scolina (alplü 43 mëisc). Pro n’adoziun o n afidamënt pëia ia i trëi agn de dërt al assëgn dala data dl provedimënt de adoziun o de afidamënt y a vigni moda ma cina ai 18 agn.

Residënza:

  • 5 agn de residënza, zënza interuziun, tla provinzia de Balsan denanco dé jö la domanda. Implü pól gní presenté ince vigni atra documëntaziun da chëra che al resultëia la sojornanza permanënta por almanco 5 agn tla provinzia de Balsan.
    Sce la porsona che fej domanda n’á nia la residënza da cin agn, mëss l’ater genitur sön le zertificat de familia l’avëi.
  • O na residënza anagrafica storica de 15 agn tla provinzia de Balsan, y de chisc altamo un n ann zënza interuziun denanco dé jö la domanda.
  • Les zitadines y i zitadins comunitars de n ater paisc dl'UE, che n'á nia la residënza o á la residënza da manco de 5 agn tla provinzia, mëss desmostré d'avëi n raport de laur tla provinzia de Balsan, sciöche preodü dala normativa europeica 883/2004.

Mituns:  

  • por döt le tëmp de referimënt mëss le möt/la möta cun manco co 18 agn vire tl Südtirol cun le genitur o cun les porsones afidatares y ai mëss, ater co ti caji de afidamënt, ester sön le zertificat de familia dla porsona che fej domanda (al é stlüt fora i caji sura i confins fora sciöche preodü dala normativa europeica 883/2004).

Situaziun economica:  

  • Dal mëis de messé dl 2022 vëgn l’assëgn por la familia provinzial reconesciü zënza tigní cunt dla situaziun economica dla familia. Al ne vëgn nia plü preodü n limit de davagn y an n’á nia bria da dé jö na detlaraziun sön le davagn y le patrimone.
  • METEDE AVERDA Por nasciüdes, adoziuns o afidamënc cina ai 31.05.2022, mësson ciamó dé dant le valur dla situaziun economica ciafada sö tres la DUDP, che ne pó nia ester majer co 80.000 euro canche an dá jö la domanda por ciafé l’assëgn dal mëis do chël dla nasciüda cina de jügn dl 2022. Sce al ne vëgn nia dé dant le valur dla DUDP pëia ia le dërt da ciafé l’assëgn impormó da messé dl 2022 inant.

  • Ma por nasciüdes/adoziuns/afidamënc cina ai 31.05.2022: La situaziun economica vëgn ciafada sö cun la detlaraziun unificada dl davagn y dl patrimone (DUDP). Sce an adora la DUDP pón jí ti zëntri d’assistënza fiscala (CAAF) y/o ti patronac dla provinzia che pita chësc sorvisc o s’anuzé dl sorvisc online eGov.
  • Che che ne fej nia domanda cun documënc cun dac anagrafics che desmostra la permanënza stabila tl raiun provinzial da altamo 5 agn, mëss ajunté la documentaziun che proa süa permanënza stabila tl raiun.

I sorvisc pità dai patronac y dai zëntri de assistënza fiscala é debann.

Tan ciafon pa?
An ciafa € 200,00 al mëis a möt/möta.

Can vëgnel paié fora l’assëgn?
L’assëgn vëgn paié fora a rates vigni mëis che vëgn do, chël ó dí che la rata de messé vëgn paiada fora ala fin d’agost, chëra d’agost ala fin de setëmber y i.i.

Co vëgnel pa paié fora l'assëgn?
I paiamënc vëgn fac sön le cunt bancar intesté o cointesté ala porsona che fej domanda dada dant tla domanda.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.
 

(Sorvisc actualisá ai: 01/07/2022)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 11 Fabiana Gabella
0471 41 83 09 Davide Giabardo
0471 41 83 14 Barbara Kaufmann
0471 41 83 03 Paola Faoro
0471 41 83 00
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: http://asse.provincia.bz.it/

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda pó gní fata pornanche an á düc i recuisic.

-Sce la domanda vëgn fata te n ann dala nasciüda, dal'adoziun o dal afidamënt dl möt/dla möta (data dl provedimënt), vëgnel paié fora l’assëgn pian ia dal mëis suandënt al mëis dla nasciüda, dl'adoziun o dl afidamënt o da canche al é gnü arjunt i recuic.

-Sce la domanda vëgn fata do da n ann dala nasciüda, dal'adoziun o dal afidamënt dl möt/dla möta (data dl provedimënt), vëgnel paié fora l’assëgn pian ia dal mëis suandënt al mëis che al é gnü fat domanda.
La domandes vel trëi agn o alplü cina le 43° mëis de vita y n’é nia da renové.  

Por vigni nasciüda, adoziun o afidamënt mësson dé jö na domanda nöia

PRESENTAZIUN DLA DOMANDA

La domanda mëss gní dada jö pro n patronat o tres le sorvisc online eGov te trëi agn dala nasciüda, dal’adoziun o dal afidamënt.