Cosć
L’articul 32, coma 2, lëtra a) dl decret legislatif n. 33/2013, prevëiga la publicaziun di cosć contabilisá di sorvisc pitá ai utënc aladô dl articul 10, coma 5 dl medemo decret. Chësc articul fej referimënt al articul 10, coma 5 dl decret legislatif n. 279/1997 che definësc i sorvisc pitá y sü cosć tl cheder de n sistem de contabilité analitica por i zëntri de cosć.
L’ANAC á sotrissé che “cun cosć contabilisá di sorvisc pitá él miné le valur monetar dles resssurses tutes diretamënter y indiretamënter por pité n sorvisc. Aspetan l’aprovaziun de n model scrit dant dal’Autorité por la verda sön i contrac publics de laur, sorvisc y fornidöres (sëgn ANAC), sciöche preodü dal articul 1, coma 15 dla lege 190/2012, ciafon fora chisc cosć contabilisá dai sistems de contabilité analitica.”
L’Aministraziun provinziala n’á mai adoré chësc sistem de contabilité, ajache ara â la competënza esclusiva tl ciamp dla contabilité y â svilupé n so sistem normatif che ne preodô nia la contabilité analitica por i zëntri de cost. Cun l’introduziun dla competënza esclusiva statala en materia de armonisaziun di bilanc publics s’á l’Aministraziun provinziala adaté ala insciödita “armonisaziun di bilanc”, preodüda dal decret legislatif n. 118/2011, che ne prevëiga nia por les regiuns la contabilité analitica por i zëntri de cosć.
