Formaziun spezifica de medejina generala

N sorvisc dl'aministraziun provinziala de Südtirol

Descriziun generala

L'Ofize Ordinamënt sanitar scrí fora vigni ann n concurs publich por fá le curs de trëi agn de formaziun spezifica de medejina generala.

Sce an stlüj jö chësta formaziun arjunjon le titul de "dotur/doturia de medejina generala", che vëgn reconesciü a livel dl’Uniun Europeica y é la condiziun por podëi gní tut/tuta sö sciöche dotur/doturia de medejina generala dal sorvisc sanitar publich.

1. Por podëi tó pert al concurs mësson avëi i recuisic suandënc:

a) la laurea de medejina y chirurgia;

b) l’abilitaziun por eserzité la profesciun da dotur (ejam de stat – i candidac y les candidates di stac mëmbri dl’Uniun europeica mëss dé jö le diplom preodü tl injunta A dl decret legislatif di 17 d’agost dl 1999, n. 368);

c) la registraziun tl ordin di doturs y di doturs dai dënz cina le de preodü por le scomenciamënt dl curs;

d) n’avëi nia albü condanes penales y n’ester nia gnü sotmetü a prozedimënc penai

e) avëi alplü 61 agn

f) avëi l’Atestat de bilinguism “C1” dla Provinzia de Balsan o avëi passé l’ejam d’azertamënt dles conescënzes linguistiches de talian y todësch por tó pert ala formaziun de medejina spezialistica y la formaziun spezifica de medejina generala - livel C1 (da dé jö cina les 12.00 dl de dan l’ejam d’amisciun)

  • Curriculum vitae cun la data sotescrit (data alplü sis mëisc vedla)
  • Diplom de laurea
  • Zertificaziun de abilitaziun al’eserzize dla profesciun da dotur
  • Zertificaziun de iscriziun al ordin
  • Atestat de bilinguism C1 dla Provinzia de Balsan o atestat d‘avëi passé l’ejam d’azertamënt dles conescënzes linguistiches de talian y todësch por tó pert ala formaziun de medejina spezialistica y la formaziun spezifica de medejina - livel C1
  • Copia dla cherta d'identité varënta o de n documënt d'identificaziun ecuivalënt

Chësc sorvisc é debann.

Le curs döra trëi agn.

La formaziun pratica vëgn fata tles repartiziuns desvalies di ospedai y ti ambulatori acreditá di doturs de medejina generala; por ci che reverda la formaziun teorica vëgnel tigní a Balsan seminars regolars.

(Sorvisc actualisá ai: 15/07/2021)

Ënt competënt

Ofize Ordinamënt sanitar
Palazzo 12, via Canonico Michael Gamper 1, 39100 Balsan
Telefono: 0471 41 81 45 Summa Isabella
0471 41 81 44 Cortese Elena
0471 41 81 41 Sekretariat
Fax: 0471 41 81 59
E-mail: gesundheitsordnung@provinz.bz.it
PEC: ges.ord.san@pec.prov.bz.it
Website: http://www.provinzia.bz.it/

Orar por la jënt:

Lönesc, mertesc, mercui, vëndres: dales 9:00 ales 12:00
Jöbia: dales 8:30 ales 13:00 y dales 14:00 ales 17:30

Terminns

TERMIN POR DÉ JÖ LA DOMANDA: 21 de jügn dl 2021, dales 12:00

DATA DL EJAM: 14 de messé dl 2021, dales 9:00

POST: Scora alta provinziala de Sanité "Claudiana", strada Lorenz Böhler 13, Balsan