Educaziun musicala

Educaziun musicala

Aladô dla Convenziun injuntada ala deliberaziun dla Junta provinziala n. 1555 di 22 d’otober dl 2012, colaborëia l’Intendënza ladina cun les scores de musiga de Gherdëna y dla Val Badia. Le Sorvisc por l’educaziun musicala coordinëia proiec anuai y de de plü agn metüs a jí tres la colaboraziun danter scores y scores de musiga, a livel interdisciplinar y ince en colaboraziun cun d’atres istituziuns culturales de Gherdëna y dla Val Badia.

Le Sorvisc por l’educaziun musicala:

  • laora fora y porta inant propostes de proiec musicai por les scores y por les scolines,
  • pita consulënza artistica, organisativa y aministrativa por proiec musicai metüs a jí tles scores,
  • ti ortia inant ales scores y ales scolines propostes de concursc sön temesc desvalis liá ala musiga metüs a jí a livel regional, nazional y dl’Euregio y surantol le coordinamënt dla partezipaziun,
  • rapresentëia l’Intendënza y Cultura ladina te convëgns sön temesc che reverda la musiga a livel nazional y internazional,
  • pita consulënza por la formaziun dl personal insegnant tl ciamp dl’educaziun musicala dala scolina cina les scores altes.

Le Sorvisc por l’educaziun musicala porta inant proiec por promöie le repertore cianté por ladin por düc i liví scolastics y ince en colaboraziun cun d’atres istituziuns y lies culturales ladines.

Publicaziun/Proiet pilot cun evaluaziun
Le plurilinguism tl repertore cianté y tl insegnamënt dl’educaziun de musiga tles scores elementares, mesanes y de musiga de Gherdëna y dla Val Badia.

Realisaziun de materiai didatics multimediai
Elaboraziun dl aranjamënt, dla registraziun dla basa stromentala y suravijiun musicala de dui CDs didatics por la racoiüda de cianties “De piceres usc ladines” por mituns y mitans dla scolina y dla pröma y secunda classa dla scora elementara dada fora dal UML – Uniun maestri ladins.

Haydn & Education

I responsabli por l’educaziun musicala fej pert dl grup de laur dl proiet regional “Haydn & Education” metü a jí dal’orchestra Haydn, les trëi Direziuns por l'istruziun y la formaziun dla Provinzia de Balsan, le Sorvisc por l’istruziun dla Provinzia de Trënt, le Conservatore de musiga C. Monteverdi da Balsan y le Conservatore de musiga A. Bonporti da Trënt.

Al vëgn organisé conzerc y rapresentaziuns operistiches – Opera kids, Opera domani – adatades a düc i degrá scolastics dala scolina ala scora alta.

I responsabli por l’educaziun musicala:

  • garantësc che al vëgnes organisé almanco un n conzert tles valades ladines,
  • porta dant les propostes ales scolines y ales scores de düc i degrá,
  • ti pita consulënza al personal insegnant por s’arjigné ca ai conzerc, ince tres la formaziun metüda a jí en colaboraziun cun le Conservatore da Balsan,
  • coordinëia la partezipaziun dles classes dles scores ladines.

Proiet pilot en colaboraziun cun le lizeum Cademia y l’orchestra Haydn (program 2017/2018 - Download Haydn & Education)


Colaboraziun cun le Conservatore de musiga C. Monteverdi da Balsan

I responsabli por l’educaziun musicala fej pert dl grup de laur por mëte a jí i cursc de dui agn de didatica musicala tl Conservatore de musiga da Balsan y dëida lauré fora i tesć d’amisciun por les candidates y i candidac ladins.

 

I responsabli por l’educaziun musicala laora fora y fej la suravijiun de materiai didatics sön l’educaziun musicala te de plü lingac y por düc i degrá scolastics.

Publicaziuns

  • Le planët sona y cianta: Unités didatiches por l’educaziun musicala interculturala (cun Paolo Vinati)
  • Glossar de musiga: badiot – gherdëina – talian – todësch (tl laur da gní lauré fora)