Obietifs y duvieres

L’evaluazion esterna vën njunteda al’evaluazion interna cun na usservazion prufesciunela da dedora, che ti dà la puscibltà ala scolines y ala scoles singules coche al sistem paritetich ladin de ti dé na udleda plu sota al’efizienza y ala cualità dla furmazion, istruzion y educazion. La juda ënghe a mustré su la respunsablteies de viers dl mond dedora dla scola y scolina.
L Servisc per l’evaluazion da dedora analisea i resultac scolastics y pieta aiut dan, ntan y do la proes naziuneles y nternaziuneles.
L lëur che reverda l’evaluazion tol ite la prugramazion y l se rujené ora sun tematiches spezifiches de scola, la planificazion, la descuscion, l abiné adum nfurmazions y dac, l lauré ora formuleres IQES per fé la vijites tla scolines y tla scoles, tuedes miredes, nrescides y proes naziuneles y nternaziuneles, l’elaborazion, l’interpretazion y la prejentazion di dac, l’analisa dl PTOF y dla documentazion de scola, la publicazion di resultac analitics y sintetics y l’usservazion dl svilup scolastich.