Pedagogia sessuala

La tematica dla sessualité é indlunch, ince te scora. Sciöche mituns/ëi y mitans/ëres ési sentá un/öna dlungia l’ater/atra, soga deboriada, se fej domandes, provochëia cun espresciuns sessualisades, esperimentëia so ses en raport ala classa, chir süa identité sessuala, proa fora y tröp d’ater.
La scolina y la scora ademplësc so impëgn da insigné y eduché te na manira che tol ite düc i ciamps dla sciënza y dla vita. Sce al vëgn pratiché na pedagogia d’educaziun globala ne vál pordërt nia debojëgn de n’educaziun sessuala a pert. Ara se trata da acompagné la porsona de por de fora por les fases dl svilup y da la sostigní tl savëi, ti comportamënc y ince tles conseguënzes dl rode de so jëne, bel anfat cal che al é.
Cun proiec mirá pón aprofondí tematiches particolares y ti dé espresciun ala complessité de chësc ciamp che vá sot tl’intimité, personalité, identité y sozialisaziun de vigni porsona.

„LoveTalks“: n model de colauraziun danter insegnanc, geniturs y scolars

Moderaziun de n dialogh danter geniturs, insegnanc y scolars sön tematiches che reverda la sessualité y lapró cun la planificaziun deboriada de n proiet a livel de classa o ince sora fora.

Sostëgn de iniziatives aladô de tematiches spezifiches y bojëgns particolars

Identité sessuala, amur y compagnia, valurs, le pröm baje, maraties, sessualité y media, fenomens de violënza y tröp d’ater sciöche resposta ales domandes di jogn dl dedaincö.