Inclujiun dla desvalianza culturala

Background de migraziun: ci ól pa dí avisa?

N möt/Na möta o n studënt/na studënta cun n background de migraziun é na porsona che vëgn originariamënter da n ater Paisc, o che á na familia che vëgn originariamënter da n ater Paisc.
Al pó ester na porsona che é rovada adalerch dan da püch o ester nasciüda chiló, mo süa storia culturala y linguistica é particolara, insciö é ince la storia de dötes les porsones unica.
I ti pitun sostëgn ales scores (formaziun y suravijiun) y proponun scomenciadies d’inclujiun scolastica y extrascolastica (por ej. laboratori linguistics y creatifs, ciamps da d'isté di lingac, y i.i.) y tröp d’ater.

Zëntri linguistics

I zëntri linguistics, che é gnüs metüs sö dl 2007, sostëgn les scolines y les scores dla Provinzia tla promoziun di lingac y dl’inclujiun. Ai dá n contribut concret por che düc i mituns y les mitans, les jones y i jogn ciafes les medemes poscibilités d’istruziun.
Tl conzet de realisaziun dla delibera nöia, che é gnüda aprovada dl 2020, vëgnel definí i ciamps d’aziun, i obietifs y i orientamënc di zëntri linguistcs. I zëntri vëgn coordiná da n grup de colaboradësses y colaboradus dles trëi Intendënzes scolastiches.