Movimënt y mobilité

Movimënt y mobilité é capazites y ince nezescites scrites tl DNA dla porsona. Le movimënt fisich á n efet sön döta la porsona y n’influenzëia nia ma nüsc muscui y le bate dl cör mo ince nostes emoziuns y nosc spirit. Sce la zentrala de nostes aziuns stá plütosc tl ciorvel che nia ti muscui spo adorunse dantadöt na mobilité ti pinsiers, tla orenté, tla vöia de chirí tres danü ci che se fej sté bëgn scöche porsona amesa les atres ite te chël contest olach’i viun. Lapró toca le fatur dla segurëza: indlunch messunse ciaré de se stravardé da inzidënc ince cun s’aproprié de savëi y de competënzes de basa che porta a comportamënc respetusc devers de süa vita y chëra di atri.

Iniziatives de esperiënzes de movimënt daite y alalergia: Orienteering y Parkou

Por se möië sënza fá inzidënc, destiné ales prömes classes dla scora mesana (4 dla Val Badia d’altonn 2019), parch d’aventöra, Parcour por l’abilité cun la roda cun de vigni sort de injins (da podëi mëte sö dan vigni scora).

Regoles dl trafich tla vita da vignide – en colauraziun cun i polizisć de comun

“Hallo Auto”: en colauraziun cun le Safety park

I mituns y les mitans dla cuarta elementara impara a valuté le tëmp y la reaziun de vigni ciafer da archité so veicul.

Scora da jí cun le bus:

Imparé a se comporté pro les fermades y tl bus, savëi da s’orienté tl sistem dl trasport publich, savëi da lí les tabeles di orars: destinatars é les ultimes classes dla scora elementara y les prömes dla scora mesana.

“Pinochio vá cun la roda” (descriziun a pert: Educare al benessere)

Na bona combinaziun danter movimënt y alimentaziun por 100 scolars/es dles 4. y 5. tlasses dla scora elementara dla Val Badia

Patentin por jí cun la roda:

Vigni dui agn vëgnel metü sö por scolars de 4. y 5. elementara le parcour ofizial dles trëi intendënzes por arjunje y zertifiché le dër savëi da jí cun la roda sön strada.

“Zitarally”:

N proiet de dui agn por jí a vijité les cites de Südtirol (y la cité de Trënt) cun le ABO+ cun l’acompagnamënt de na guida söl post sfrutan dantadöt les competënzes scentifich-matematiches y umanistiches (storia y antropologia).