Sön chësc ciamp
Bëgnodüs sön la plata internet de dötes les scolines publiches dla Provinzia. Les scolines todësces, talianes y ladines se presënta por le pröm iade sön la medema plata.
Chiló ciafëise, sciöche familia, dötes les informaziuns plü importantes por la iscriziun, le calënder de scolina y la direziun provinziala dles scolines sciöche ince i raiuns dles scolines.
La formaziun tl Südtirol é organisada aladô di trëi lingac provinziai ti trëi sistems.
Dër important él da savëi che i ëis a desposiziun na funziun de chirida cun chëra che i ciafëis na suravijiun de dötes les scolines dl Südtirol, organisades aladô dl lingaz de formaziun dl comun y dl raiun, cun na picia descriziun y n valgügn retrac lapró.
La plata ti pita ales pedagoghes le link ala repartiziun dl personal.
De plü informaziuns ciafëise sön:
- La direziun provinziala dles scolines todësces y sües direziuns.
- L’ispetorat dles scolines talianes
- La direziun dles scolines ladina
La lege sön la formaziun por les scolines y les scores elementares (Lege Provinziala n. 5/2008) rapresentëia la fondamënta de döt le sistem dles scolines tl Südtirol.
