Duta la scolines dl Südtirol

Scolina da Lungiarü

Comun de San Martin de Tor | Direziun dles scolines "Ladinia"

La scolina da “Lungiarü“ é n post d’incuntada important por geniturs y mituns y mitans te nosc pice paisc da munt, che é da püch gnü nominé paisc dl alpinist, por ester sconé da turism de massa.
La scolina é situada tl edifize zentral dl paisc, olach’al é la scora elementara, la calonia, locai por uniuns desvalies, l’magazin di stödafüs y n gran salf plurifunzional che é arjigné ite da palestra.
La natöra lëdia incëria se pîta sciöche ambiënt ideal da imparé y se inviëia da passé tröp tëmp alaleria.

• La particolarité de nosta scolina stá tla pluralité dles poscibilites che i mituns y les mitans incunta por scovrí y gode la natöra incëria.
• Dalunc dal crabal turistich nen aprofitunse dles poscibilites che nos un por descurí la cultura da paur, sciöche la laoraziun dla blâ ti murins che funzionëia ciamó aldédaincö, l’fá pan, les mostres de massaries artejanales da zacan, usanzes de dlijia y d’atres ofertes particolares.
• La scolina é caraterisada dal lingaz ladin, che vëgn baié dala maiú pert dles mitans y i mituns ince tl cërtl de familia.

Laur de formaziun y de educaziun

Le laur pedagogich cun les mitans y i mituns vëgn fat te trëi lingac:

• Ladin (sciöche lingaz prinzipal)
• Todësch y talian (tla medema mosöra)

De plü informaziuns ciafëise sot a: La scolina ladina.

L mangé sann, bun y natural te scolina.

Locai de scolina

Nos un chisc locai a desposiziun:

• n local prinzipal
• n ater local da soghé
• na gardaroba, olach‘i stun ince a mangé
• n bagn cun cater lavandins y dui tlosec
• l’urt, ch’i partiun cun la scora elementara

Team de scolina

Nosc team de scolina é formé da na maestra de scolina y na colaboradëssa pedagogica.

Tëmps de daurida

(*) I tëmps de daurida arlungiá mëss bele gní concordá tl momënt dla iscriziun.

Contat