Duta la scolines dl Südtirol

Tl Südtirol iel scolines tudëscies, talianes y ladines.
Dajëde ite l’inuem dla scolina, l raion, la rujeneda.
Per uni scolina abinëis na pitla descrizion, l post ulache la ie, i orares de giaurida, fotos y eventualmënter documënc da desćiarië.

Scolina "Surëdl" de Sëlva

Chemun Sëlva | Direzion dla scolines "Ladinia"

Atelier da depënjer

La scolina ladina "Surëdl" te Sëlva ie una dla prima scolines ulache l vën laurà aldò dl prinzip dla giaurida parziela. Chël uel dì che i mutons y la mutans possa jì liediamënter trëi iedesc al'ena te duc i locai dla scolina per fé damat y mparé, i autri doi dis stai te si grupa.
La scolina à trëi grupes cun al plu 25 mutons y mutans per grupa.

Lëur de furmazion y de educazion

L lëur pedagogich vën fat te trëi rujenedes:

  • Ladin (sciche rujeneda primera)
  • Tudësch y talian (tla medema mesura)

Nfurmazions sëuraprò  iel da abiné sota: La scolina ladina.

Locai de scolina

La scolina "Surëdl" de Sëlva à trëi de gran tlasses linëuses cun na gran vela de materiai da fé damat y sëuraprò mo te uni tlas n azënt pedagogich:

Grupa cuecena:

  • Juesc y materiai per la promozion ala matematica
  • Materiai Montessori

Grupa vërda:

  • Juesc de costruzion

Grupa bruma:

  • Local de criatività y berstot

Sëuraprò  iel mo:

  • n local de muvimënt
  • n local per fé juesc de rodl
  • n local per sperimenté
  • n local de costruzion
  • n local da depënjer
  • 3 banies
  • n gran verzon

Team de scolina

L team de scolina ie metù adum da na coordinadëura, cater maestres de scolina y cater culaburadëures pedagogiches.

Orares de giaurida

DiOrar antizipà*ScumenciamëntFinOrar slungià*
Lunesc nfin juebia 7:30 h 7:45 h 14:45 h

-

Vënderdi 7:30 h 7:45 h 12:45 h

-

(*) L orar slungià muessa unì damandà al mumënt dla iscrizion.

Cuntat

Scolina "Surëdl"
Coordinadëura: Laura Di Genova
Str. Nives 16
39048 Sëlva (BZ)
Tel. +39 0471 772180
E-mail: kg_selva@schule.suedtirol.it

Galaria dales fotografies

D'autri comunicac stampa de chësta categuria