Duta la scolines dl Südtirol

Tl Südtirol iel scolines tudëscies, talianes y ladines.
Dajëde ite l’inuem dla scolina, l raion, la rujeneda.
Per uni scolina abinëis na pitla descrizion, l post ulache la ie, i orares de giaurida, fotos y eventualmënter documënc da desćiarië.

Scolina "Egaburvanda" a S. Cristina

Chemun de S. Cristina | Direzion dla scolines "Ladinia"

La scolina ladina "Egaburvanda" de S.Cristina à 3 grupes y l vën tëut su nchina 25 mutons y mutans per grupa tl`età dai doi ani y mez ai sies ani. Te chësta scolina vëniel laurà aldò dl prinzip dla giaurida interna, chël uel dì che i mutons y la mutans possa jì liediamënter trëi iedesc al`ena te duc I locai dla scolina per fé damat y mparé, i autri doi dis stai te si grupa.

Video prejentazion Scolina "Egaburvanda"

Lëur de furmazion y de educazion

L lëur pedagogich vën fat te trëi rujenedes:

Ladin (sciche rujeneda primera)
Tudësch y talian (tla medema mesura)

Nfurmazions sëuraprò iel da abiné sota: La scolina ladina.

L maië san, bon y naturel te scolina.

Locai de scolina

La scolina "Egaburvanda" de S. Cristina à trëi de gran tlasses linëuses cun na gran vela de materiai da fé damat y sëuraprò mo te uni tlas n azënt pedagogich:

Grupa bruma:

Juesc de costruzion
Media

Grupa violeta:

Criatività y banch da tisler

Grupa orancena:

Juesc y materiai per la promozion ala matematica
Materiai Montessori

Sëuraprò iel mo:

n local de muvimënt
n local per fé juesc de rodl
n local de costruzion
n local da depënjer y de criatività
na luegia per l pan dala nuef davierta a duc i mutons y la mutans
3 banies
n verzon

Nosc verzon nuef

L verzon dla scolina „Egaburvanda“ ie unì restruturà y realisà da nuef d’ansciuda/ instà 2020. L verzon ne respetova nia plu la normes de segurëza, truep njins fova melciafiei y la sperses de juech ne fova nia definides te na maniera tlera.

L proiet ie unì metù a jì dal`aministrazion cumenela y dala Direzion dla scolines “Ladinia” n cunlaurazion cun l architet y geomant Philip Stauder y l team de scolina.

Pra la elaburazion dl verzon nuef ie unic tëuc ite i cunzec: “mutons y mutans y la natura”, “ciamps de energia”, “tò la forza dala natura”.

Te nosc verzon nuef iel perchël n grum de sienes y lëns y puec, o feter degun njins che dà dant l’atività de juech. La sperses de juech se desferenzieia tres materiai dla natura defrënc, sciche sablon, pra y majeri sasc de ruf. Te nosc verzon vën sustenida la creatività y la scumenciadiva di mutons y dla mutans. L ie de plu majera sperses che pieta puscibltà y lidëza de muvimënt.

Tres la spartizion dla lerch, possa i mutons y la mutans fé damat te pitla grupes, a chësta maniera vëniel a se l dé n juech plu ntensif. L ie de plu posć per se ascuender, sciche na ciaverna sota n puent de lën, na ciajota de lën y n bosch dla fabules. Chisc posć ti plej dassënn ai mutons y ala mutans, ëi se sënt ascundui y mpo ie la sëuraverdia dl personal pedagogich garantida.

La scolina “Egaburvanda” à n verzon dl dut naturel, che à fins pedagogics y se desferenzieia dal’autra plazes dai juesc.

I mutons y la mutans, i genitores y l personal pedagogich à na gran legrëza cun l verzon restruturà y rengrazia de cuer l`aministrazion cumenela de S. Cristina y la Direzion dla scolines “Ladinia”.

Team de scolina

L team de scolina ie metù adum da cater maestres de scolina (de chëstes una a tëmp parziel) y cater culaburadëures pedagogiches (de chëstes doves a tëmp parziel).