Duta la scolines dl Südtirol

Tl Südtirol iel scolines tudëscies, talianes y ladines.
Dajëde ite l’inuem dla scolina, l raion, la rujeneda.
Per uni scolina abinëis na pitla descrizion, l post ulache la ie, i orares de giaurida, fotos y eventualmënter documënc da desćiarië.

Scolina da La Ila

Comun de Badia | Direziun dles scolines "Ladinia"

Scolina da La Ila

La scolina ladina „Moltina“ é tla pert vedla dl paisc de La Ila. Ara é incertlada da dër de bi bosć, pra y crëps. Dala scolina án dër na bela odlada sön le grup de Sas de La Crusc. Te nosta scolina él dui grups (seziuns) cun cina 25 mitans y mituns por grup danter i dui agn y mez y i sis agn. Te nosta scolina vëgnel lauré do le prinzip dla „daurida“, chël ó dí che les ativités vëgn fates danter trami i grups y les mitans y i mituns á la poscibilité do les nü, da fá belaita, imparé y sperimenté te düc i locai.

Laur de formaziun y educaziun

Le laur pedagogich cun les mitans y i mituns vëgn fat te trëi lingac:

  • Ladin (sciöche lingaz prinzipal)
  • Todësch y talian (tla medema mosöra)

De plü informaziuns ciafëise sot a: La scolina ladina.

Locai de scolina

La scolina „Moltina“ a La Ila á a desposiziun de plü locai:

Grup 1:

  • Piz por la creativité
  • Lerch da fá jüc de rode
  • De plü jüc da mësa y da regoles

Grup 2:

  • Lerch da costruí
  • Lerch por la promoziun bonoria dla matematica
  • Piz dai libri

Implü él:

  • 1 gran bagn
  • Local de movimënt
  • Atelier da depënje
  • Local por la musiga y les stories
  • Local da lauré cun le banch da tistler
  • Urt

Team de scolina

Nosc team de scolina é formé da na coordinadëssa, döes maestres de scolina y na colaboradëssa pedagogica.

Tëmps de daurida

DeTëmps de daurida antizipá*MëtemanFinTëmps de daurida arlungiá*
Dal lönesc ala jöbia - 7:45 h 14:45 h

-

Vëndres - 7:45 h 12:45 h

-

(*) I tëmps de daurida arlungiá mëss bele gní concordá tl momënt dla iscriziun.

Contat

Scolina de La Ila
Coordinadëssa: Daniela Sorarù
Strada Rottonara 47
39036 La Ila (BZ)
Tel. +39 0471 847248
E-mail: kg_lavilla@schule.suedtirol.it

Galaria dales fotografies

D'autri comunicac stampa de chësta categuria