Duta la scolines dl Südtirol

Tl Südtirol iel scolines tudëscies, talianes y ladines.
Dajëde ite l’inuem dla scolina, l raion, la rujeneda.
Per uni scolina abinëis na pitla descrizion, l post ulache la ie, i orares de giaurida, fotos y eventualmënter documënc da desćiarië.

Scolina da Al Plan de Mareo

Comun da Mareo | Direziun dles scolines "Ladinia"

Scolina da Al Plan de Mareo

La scolina ladina d‘Al Plan é la plü gran scolina dl comun de Mareo. Ara é formada da cater grups y pó to sö cina 100 mitans y mituns danter i dui agn y mez y i sis agn.
Nosc laur pedagogich é metü adöm da elemënc dl laur davert y al e orienté ales situaziuns y ai proiec.

Laur de formaziun y educaziun

Le laur pedagogich cun les mitans y i mituns vëgn fat te trëi lingac:

  • Ladin (sciöche lingaz prinzipal)
  • Todësch y talian (tla medema mosöra)

Deplü informaziuns ciafëise sot a: La scolina ladina.

Locai de scolina

La scolina ladina de Al Plan de Mareo á a desposiziun cater de gran locai de grup. Trëi de chisc á na secunda alzada. I locai lominusc y ampli inviëia i mituns y les mitans a crësce se anuzan de düc i locai dla scolina. Vigni seziun á a desposiziun n so bagn.

L’aredamënt y l’echipajamënt material de nosta scolina se orientëia aladô di bojëgns de svilup y de formaziun dles mitans y di mituns. Ai pita n gröm de poscibilités desvalies da fá esperiënza y sostëgn les mitans y i mituns te süa vëia da imparé.

Tour virtuala dla scolina nöia

Les lercs de laur y da fá belaita vëgn arjignades ite y mudades deboriada cun les mitans y i mituns. Te nosta scolina ciafa les mitans y i mituns lercs da imparé sides daite co defora tl urt nü, gnü proieté dal gemoant Philip Stauder,por:

  • Movimënt
  • Ert, musiga y cultura
  • Lingaz y media
  • Sciënzes naturales, matematica, tecnica y ambiënt 
  • Religiosité y usanzes
  • Pedagogia da vigni de
  • Ince l’urt arjigné ite indertöra pita n gröm de poscibilités da se möie defora.

Team de scolina

Nosc team de scolina é formé da na coordinadëssa, cater maestres de scolina, cater colaboradësses pedagogiches y trëi maestres por l‘integraziun.

Tëmps de daurida

DeTëmps de daurida antizipá*MëtemanFinTëmps de daurida arlungiá*
Dal lönesc ala jöbia 7:30 h 7:45 h 14:21 h

-

Freitag 7:30 h 7:45 h 14:21 h

-

(*) I tëmps de daurida arlungiá mëss bele gní concordá tl momënt dla iscriziun.

Contat

Scolina de Al Plan
Coordinadëssa: Sabine Tavella
Str. Plan de Corones 34
39030 Al Plan de Mareo (BZ)
Tel. +39 0474 501515
E-mail: kg_alplan@schule.suedtirol.it

Galaria dales fotografies

D'autri comunicac stampa de chësta categuria