Duta la scolines dl Südtirol

Tl Südtirol iel scolines tudëscies, talianes y ladines.
Dajëde ite l’inuem dla scolina, l raion, la rujeneda.
Per uni scolina abinëis na pitla descrizion, l post ulache la ie, i orares de giaurida, fotos y eventualmënter documënc da desćiarië.

Scolina de La Pli

Comun de Mareo | Direziun dles scolines "Ladinia"

Scolina da La Pli

Tla scolina ladina da La Plí de Mareo, él döes seziuns. Al pó gní tut sö cina 33 mituns/mitans danter i trëi y i sis agn.
Te nosta scolina ciarunse da renforzé les capazités y les abilités di mituns y dles mitans.
Por nos él important da costruí y mantigní n raport respetus cun düc/dötes y da valorisé y integré les competënzes de vigni singul individuum. Nosc laur pedagogich se orientëia ai debojëgns individuai di mituns y dles mitans. I ti pitun ai mituns y ales mitans la poscibilité da partezipé, da imparé y dá fá esperiënzes desvalies te n cheder de na relaziun soziala daverta. Na carateristica de nosta ativité pedagogica é chëra, da mantigní, renforzé y sostigní le lingaz y la cultura ladina y da dé inant y da renforzé le plurilinguism sciöche valur.
Les contrades da soghé y da imparé, pita poscibilités desvalies d’esperiënza y sostëgn.
Te nosta scolina ciafa i mituns y les mitans daite y defora ciamps da imparé che reverda:
•    Le movimënt
•    L’ert, la musiga y la cultura
•    Le lingaz y i media
•    Les sciënzes naturales
•    La religiosité y les usanzes
•    La pedagogia da vigni de

Laur de formaziun y educaziun

Le laur pedagogich cun les mitans y i mituns vëgn fat te trëi lingac:

  • Ladin (sciöche lingaz prinzipal)
  • Todësch y talian (tla medema mosöra)

De plü informaziuns ciafëise sot a: La scolina ladina.

Locai de scolina

La scolina de La Pli á a desposiziun trëi locai da fá belaita y da imparé cun chëstes lercs:

  • Lerch da fá jüc de rode
  • Lerch por jüc da mësa y da regoles
  • Lerch por la creativité
  • Lerch da lauré y da costruí
  • Urt
  • Palestra deboriada cun la scora elementara
  • Bagn

Team de scolina

Nosc team de scolina é formé da na coordinadëssa y döes colaboradësses pedagogiches.

Tëmps de daurida

DeTëmps de daurida antizipá*MëtemanFinTëmps de daurida arlungiá*
Dal lönesc ala jöbia - 7:30 h 14:06 h

-

Vëndres - 7:30 h 14:06 h

-

(*) I tëmps de daurida arlungiá mëss bele gní concordá tl momënt dla iscriziun.

Contat

Scolina de La Pli
Coordinadëssa: Elisabeth Miribung
Strada La Pli 43
39030 La Pli de Mareo (BZ)
Tel. +39 0474 506711
E-mail: kg_lapli@schule.suedtirol.it

Galaria dales fotografies

D'autri comunicac stampa de chësta categuria