Atualità
Sorvisc strades: döes cadries nöies por Gherdëna y la Val Badia
Dles indöt 9 cadries nöies metüdes a desposiziun dl zënter logistich da Bornech, gnará döes adorades te Gherdëna y tla Val Badia y sön le Ju de Frara.
Ares é bele gnüdes portades tl zënter logistich dl Sorvisc strades da Bornech les döes cadries da desparé la nëi che gnará adorades ince söles strades dla Val Badia y de Gherdëna, dantadöt sön le Ju de Frara. Les indöt 9 cadries nöies comprades dal Sorvisc strades gnará ince adorades por d’atri intervënc de manutenziuny metüda en segurëza dles strades. “La nëi che é tomada ince ciamó de ma jö tles valades desmostra l’importanza dla manutenziun dles strades te Südtirol. Dantadöt tles situaziuns d’emergënza él fondamental da reagí atira y cun effiziënza”, á dit l’assessur por la mobilité Daniel Alfreider, che incö (21 de ma), adöm cun le diretur dla Repartiziun Strades Philipp Sicher y le diretur d’ofize Götz Florian Rufinatscha, ti á surandé ai colaboradus dl punt logistich da Bornech les cadries.
“Les cadries nöies, de chëres che döes é cun n sistem da desparé automatich, é n gran aiüt por nüsc colaboradus tratan so laur”, á sotrissé Sicher. La Provinzia ô cumpré indöt 48 mesi de vigni sort por sostituí les mascins vedles nia plü sigüdes y che adora tröpa manutenziun. Chisc alisirará le laur di indöt 487 stradaröi dla Provinzia sön la rëi de 2.826 km de strades. Le 57 % dles strades é sura i 1.000 metri. Te Südtirol él indöt 206 tuní, 1.662 punc y 996 km de clandri.
USP/rc/sa
