Atualità
Scola sun l dlacier: camp de dlaciologia dai 13 de setëmber inant
L’ena che vën puderà sculeies y sculées dla scoles ladines, tudësces y talianes tò pert a na lezion particulera pra l camp de dlaciologia sun l Jëuf de Stilfs.
L camp de dlaciologia dai 13 ai 17 de setëmber sun l Jëuf de Stilfs ie na bona ucajion per ruvé n cuntat cun l savëi ti ciamps dla tlimatologia, dla dlaciologia, ma nce dla geologia y dl’astrologia per i sculeies y la sculées dla scoles ladines, tudësces y talianes dl Südtirol.
Danter l auter iel sun l program escurscions cun espertes y esperc de plu ciamps desvalifs. Ndut 22 sculeies y sculées dla cuarta y cuinta tlasses de scoles autes defrëntes dl Südtirol puderà abiné adum autonomamënter y documenté dac per duvieres de lëur spezifics y prejenté si usservazions y resultac.
Chëst ann vën l camp a se l dé per l undescejim iede sun la “Franzenhöhe” y ie unì urganisà dala Repartizion pedagogica dla Ntendënza tudëscia y taliana.
I media ie nviei a fé reportajes sun l camp de dlaciologia. La persona de cuntat per avëi plu nfurmazions y per la reportajes ie Susanne Hellrigl (e-mail: susanne.hellrigl@schule.suedtirol.it).
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/nst
