Atualità
Al vëgn chirí 2 psicologs/psicologhes por la consulënza profescionala
La Repartiziun provinziala Personal chir por l’Ofize Orientamënt scolastich y profescional 2 psicologs/psicologhes. An pó dé jö la domanda cina ai 23 de setëmber.
Tl Ofize Orientamënt scolastich y profescional dla Repartiziun provinziala Promoziun dl stüde dessel gní curí dui posc da psicologh/psicologa. Ara se trata de n post a tëmp plëgn a Balsan y n post a tëmp parzial a San Martin de Tor (19 ores cun sënta de laur a Bornech). Por curí i posc de nono livel a tëmp indeterminé á la Repartiziun provinziala Personal scrit fora n concurs publich.
A chësc concurs por n post te Provinzia pól tó pert porsones che a stlüt jö n stüde universitar de psicologia de altamo cater agn y passé l’ejam de stat. Al vá ince debojëgn da ester scric ite tl register profescional y avëi l’atestat de bilinguism C1 (grup linguistich todësch) o l’atestat de trilinguism C1 (grup linguistich ladin). Le post a Balsan é resservé al grup linguistich todësch y chël a San Martin de Tor resp. Bornech al grup linguistich ladin. Sce an ó tó pert al concurs por chësc post pón dé jö la damanda cina ai 23 de setëmber dl 2022 (dales 12.00) tl Ofize provinzial Assunziuns personal. L’avis dl concurs y le formular é da ciafé sön la plata web dla Provinzia tla seziun concursc por tó sö personal tla Provinzia.
Informaziuns:
Ofize Assunziuns personal
Balsan, strada Renon 13
Tel: 0471 412105
Karin.Steger@provinz.bz.it
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/jw/red
