Atualità

Cunsëi-Euregio di zitadins: belau 150 dumandes de partezipazion

L Cunsëi-Euregio di zitadins che ie tl lëur de unì metù su ie unì prejentà a Hall, Arco y Persenon. La dumandes à arjont l numer de 150. Nchin ai 15 de mei possen mo dé ite na dumanda de partezipazion

L’Europaregion Tirol-Südtirol-Trentin uel unì plu daujin ala zitadinanza. Perchël àla tëut la dezijion de mëter su n Cunsëi dla zitadines y di zitadins. L organ laurerà ora y prejenterà prupostes cuncretes che mira a fé cunëscer miec la Region europeica sibe ti chemuns sibe te dut l raion Euregio. Per realisé chësc travert iel unì cris ora i chemuns Hall tl Tirol, Persenon tl Südtirol y Arco tl Trentin. 30 zitadines y zitadins de chisc trëi chemuns furmerà l Cunsëi-Euregio dla zitadines y di zitadins. L proiet pilot "Cunsëi-Euregio dla zitadines y di zitadins" ie unì prejentà n ch’sta di tla trëi ziteies. L numer dumandes de partezipazion prejentedes à bele arjont 150 persones.

Dumandes de partezipazion mo nchin ai 15 de mei.

L tëmp per dé ju la dumandes de partezipazion va mo nchin ai 15 de mei. Chi che fossa nteressei possa mo se prejenté nchin a chësta data sot a https://form.jotform.com/220742156687360. Oradechël possa l nteres de partezipé unì detlarà pra la purteles dla zitadines y di zitadins o ti ufizies per l publich di trëi chemuns. Do i 15 de mei scumëncia l pruzedimënt de cerduda: Da duta la dumandes vëniel trat ora a cajo diesc persones per uniun di trëi chemuns. L vën tenì cont dl’età, dl gënder y dla rujeneda. De juni unirà duta la persones che vën cherdedes tl Cunsëi dla zitadines y di zitadins nfurmedes per scrit. L “Cunsëi-Euregio dla zitadines y di zitadins nuef” se costituirà ai prims d’utober a Arco. 

Nfurmazions sun l Cunsëi dla Euregio dla zitadines y di zitadins ie da liejer sot a https://www.europaregion.info/buergerinnenrat/.

video sun l Cunsëi-Euregio possa unì ciarià ju da https://we.tl/t-WlJ3DshTRs


Clican chiló röiun ala verjiun originala dl comunicat stampa por visualisé imajes, documënc o video che taca lapró

USP/jw/red