Atualità
Iscrizions al curs de spezialisazion universiter per la ntegrazion
L curs de spezialisazion per la ntegrazion de persones cun bujëns particuleres tla scoles y scolines meterà man de autonn. La dumandes de iscrizion ie daviertes nchin ai 5 de mei.
L curs de spezialisazion per ti dé sustëni a sculeies y sculées cun bujëns particuleres tla scolina, scola elementera, mesana y auta ie unì metù a jì aldò dla delibra dla Jonta provinziela n. 82 di 8 de fauré 2022. L model de furmazion ie unì svilupà dala Intendënzes deberieda cun la Facultà de scienzes dla furmazion dl’Università Liedia de Bulsan y ie pensà per furmé nsenianc y nseniantes de ntegrazion per la scolines, scoles elementeres, scoles mesanes y scoles autes.
Per candidates y candidac ladins iel udui dant 9 posc. L curs dura de ndut trëi semestri y vën tenì for de vënderdi domesdì y de sada, sciche nce ntan la vacanzes de scola tl’Università de Persenon dala fin de setëmber 2022 inant. L se mët adum da na pert teorica y da na pert pratica y se stluj ju cun n ejam finel d’ansciuda dl 2024.
N possa mandé la dumandes de iscrizion nchin ai 5 de mei 2022 online sun la plata internet dla Facultà de scienzes dla furmazion dl’Università Liedia de Bulsan, ulache l ie nce da abiné nfurmazions plu avisa sun la pruzedura de iscrizion, sun i recuisic y sun la strutura dl curs.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/nst
