Atualità
Volonariat jonil 2021: Pest ince al grup "Adüm" da La Val
I presidënc Arno Kompatscher y Günther Platter á surandé inier tl contest dl Forum europeich de Alpach le pest „Prestaziun d’ezelënza – le volontariat dla jonëza 2021” a 16 jogn y jones y 5 proiec.
En rapresentanza dles volontares y di volontars tl setur dl laur por la jonëza tl Südtirol y tl Tirol á i dui presidënc Arno Kompatscher y Günther Platter premié inier ai 22 de agost indöt 16 jones y jogn y 5 proiec dla jonëza cun le pest “Prestaziun d’ezelënza – le volontariat dla jonëza 2021”. La cornisc é stada chëra dl De dl Tirol al Forum europeich de Alpach. Le presidënt Kompatscher á laldé i premiá: “Al é de gran valur che les jones y i jogn sides dl Südtirol co dl Tirol se dais jö te so tëmp lëde cun ativités de volontariat, dantadöt ince te chësta perioda dl Covid. Al é bel da odëi che tan tröpes jones y tröc jogn fej pert de assoziaziuns y organisaziuns joniles por porté inant proiec de solidarieté y integraziun. Chësta reconoscënza dess insciö ester ince na motivaziun por lauré inant cun pasciun te chësc setur.”
Le presidënt Platter á ajunté: “Cun chësc pest metunse tl zënter i volontars jogn che dá n contribut nia da ponsé demez por nosta sozieté. Lauré cun i jogn é n compit de gran responsabilité. I oress rengrazié düc i premiá por le laur fat.”
Le pest vëgn surandé a porsones cina ai 35 agn y a scomenciadies de organisaziuns por mituns y jogn, assoziaziuns y promoturs de scomenciadies nöies Na iuria chir spo fora i proiec da premié. Le pest vëgn surandé dala Provinzia de Balsan y dal Land Tirol.
Ince le grup "Adüm" da La Val é gnü premié
Öna na assoziaziun premiada é le grup jonil “Adüm” da La Val. L’assoziaziun organisëia vigni ann le festival de musiga dal ví “Gadersound” che é un di festivals plü importanc dla Val Badia. L'assoziaziun Adüm é gnüda metüda sö tl 2003 y compëda 78 comëmbres y comëmbri.
Düc i atri premiá ciafon sot a: https://news.provincia.bz.it/it/news/l-alto-adige-e-il-tirolo-premiano-il-volontariato-giovanile-2021
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/red/gst/sf
