Atualità

Controi dl Ofize Cultura ladina y Jonëza: estraziun ai 6 de aurí

Vigni organisaziun dla Provinzia che dá contribuc mëss fá, aladô dla lege, controi a caje sön altamo le 6% dles scomenciadies sostignides.

Sciöche preodü dala lege mëssel gní fat controi sön i contribuc culturai conzedüs dala Provinzia. Le 6% dles licuidaziuns fates l’ann passé dal Ofize Cultura ladina y Jonëza  vëgn ciarades do plü avisa dal’aministraziun provinziala. I contribuc conzedüs gnará trac fora a caje ai 6 de aurí dl 2021, dales 09:00, online sön MS-Teams. Por podëi tó pert online al’estraziun sön MS-Teams vál debojëgn de se anunzié cun inom, cognom, numer de cherta d’identité, numer de telefon y misciun e-mail cina ai 1° de aurí 2021.

I ciafarëis spo le link por l’azes. Sce i tolëis le fonin vál debojëgn da desćiarié jö l’app Teams, sce l'azes vëgn fat tres le computer, spo bastel druché sön le link y tó pert ala videoconferënza.

Le protocol dla sentada é a desposiziun de vignun tla sënta dl’Intendënza y Cultura ladina y sön domanda vëgnel ince mené por posta.  

 

 

 

USP/red