Atualità
Entrada dla Val Badia: Istalaziun dl toch dl punt sura le rü y le lech
Cun na gru alta prësc 90 metri cun n pëis de 360 tonelades él gnü istalé n toch dl punt lunch 80 metri sura le rü dla Rient y le lech artifizial dl Kniepass por l'entrada dla Val Badia.
Te chisc dis vëgnel a se le dé le montaje de n toch dl punt sura le rü dla Rienz y le lech artifizial dl Kniepass. Chësc é n vare inant por la realisaziun dl azes nü por la Val Badia a San Laurënz. Por istalé chësta pert dl punt vëgnel adoré na gru alta 90 metri cun n pëis de 600 tonelades.
Le punt nü che coliará a San Laurënz la strada statala de Puster cun l’azes nü ala Val Badia vëgn metü sö chisc dis – n laur comples, deache le punt é lunch 144 metri y pësa 1.040 tones. Tratan le montaje dl punt incö danmisdé (23 de forá) él stá presënc danter l’ater l’assessur por la mobilité Daniel Alfreider adöm a rapresentanc dla Repartiziun Infrastrotöres y dles dites interessades.
"Cun l'istalaziun sura le lech él gran pert dl punt bele istalé. Le montaje dl punt ne é nia ma na prozedöra tecnica complicada, mo al é ince doia n gran laur de planificaziun y de proietaziu", á dit Alfreider. Por istalé le toch dl punt sura le lech artifizial lunch 80 metri él gnü adoré na gru alta prësc 90 metri cun n pëis de 360 tonelades.
Montaje dl punt dess gní stlüt jö cina la fin de forá
La contlujiun di laurs é preodüda aladô dl responsabl di laurs Umberto Simone por Nadé 2021. L’entrada nöia dla Val Badia pëia ia cun le tunel a Pflaurënz lunch 1.000 metri y che vá spo inant cun n punt de 144 metri sura le lech che condüj a n rondel che fajará da coliamënt cun la strada prinzipala de Puster.
Link Video
(fontana video: Repartiziun Infrastrotöres/Strabag
USP/rc/san
Galaria dales fotografies
