Atualità
Scolines y scores ladines: 32 infeziuns nöies tl’edema passada
Indöt 32 caji de infenziuns nöies da Sars-Cov-2 él gnü registré tles scolines y scores ladines.
Indöt 32 caji de infeziuns nöies él gnü registré tla edema passada tles scolines y scores ladines. I dac, che l’Intendënza y Cultura á comuniché, fej referimënt al’edema da en lönesc (1 de forá) cina en domënia (6 de forá) y reverda caji de döt le monn dla scolina y dla scora, chël ó di mitans, mituns, scolares y scolars, insegnantes y insegnanc y personal tles scolines y scores.
Indöt 32 infeziuns nöies
Tles scolines él gnü registré cinch caji nüs tl’edema passada, trëi danter mituns/mitans y dui danter le personal pedagogich. Tles scores elementares él gnü registré set caji de infeziun nüs, trëi da pert de scolars/es y cater da pert de insegnanc/tes. Tles scores mesanes él gnü registré 13 caji de infeziuns nöies, ot pro scolars/es, dui pro insegnanc/tes y trëi pro colaboradus/colaboradësses nia insegnanc/tes. Tles scores altes él gnü registré set caji nüs, indöt 6 de chisc pro scolars/scolares y un pro insegnanc/tes.
Plü co 130 caji de carantena
Ci che reverda i caji de carantena él gnü registré indöt 133 carantenes nöies, 25 de chëstes tles scolines (21 mituns/mitans y 4 colaboradus/colaboradësses pedagogiches), 60 tles scores elementares (54 scolares/scolars y 6 colaboradús/ësses nia insegnanc/tes), 36 tles scores mesanes (34 scolars/scolares, un n insegnant/insegnanta y un n colaboradú/ëssa nia insegnant/a) y 12 caji de carantena tles scores altes (10 scolars/scolares, dui insegnanc/tes).
I numri reverda sciöche tres döta la comunité dla scolina y dla scora, chël ó dí mituns/mitans y scolars/ scolares, colaboradus pedagogichs/ colaboradësses pedagogiches, personal insegnant y personal nia insegnant.
USP/jw/san
