Atualità
Scolines y scores ladines: 12 infeziuns nöies tl’edema passada
Indöt 12 caji de infenziuns nöies da Sars-Cov-2 él gnü registré tles scolines y scores ladines.
Indöt dodesc caji de infeziuns nöies él gnü registré tla edema passada tles scolines y scores ladines. I dac, che l’Intendënza y Cultura á comuniché, fej referimënt al’edema da en lönesc (18 de jená) cina en domënia (23 de jená) y reverda caji de döt le monn dla scolina y dla scora, chël ó di mitans, mituns, scolares y scolars, insegnantes y insegnanc y personal tles scolines y scores.
Tles scolines él gnü resitré trëi caji nüs, de chisc un pro n möt/na möta y dui pro colaboradësses pedagogiches. Tles scores elementares él gnü registré trëi caji de infeziun nüs da pert de insegnanc/tes. Tles scores mesanes él gnü registré dui caji de infeziuns nöies pro n scolar/a y pro n colaboradú/colaboradëssa nia insegnat/a. Tles scores altes él gnü registré 4 caji nüs, trëi de chisc pro scolars/scolares y un pro n insegnant/a.
Ci che reverda i caji de carantena él gnü registré indöt 103 carantenes nöies, 53 de chëstes tles scolines (48 mituns/mitans y 5 colaboradú/colaboradëssa pedagogica), 40 tles scores elementares (38 scolares/scolars y dui insegnanc/tes), 5 tles scores mesanes (2 scolars/scolares, un n insegnat/insegnanta y dui colaboradus/ësses nia insegnantes) y 5 caji de carantena tles scores altes (cater scolars/scolares y n insegnant/a).
USP/jw
