Atualità

Ejam de ladin dl’Intendënza ladina: Iscriziuns cina ai 8 de jená 2021

Les iscriziuns porl'ejam de ladin dl’Intendënza scolastica ladina é davertes cina ai 8 de jená dl 2021. La proa scrita dl ejame é preodüda por forá dl 2021.

Les insegnantes y i insegnanc che ó gní tutes/tuc sö tles gradatöres por insigné tles scores elementares, mesanes, altes, profescionales o de musiga y tles scolines dles valades ladines mëss superé l’ejam de ladin organisé dal’Intendënza scolastica ladina a Balsan. 

La proa scrita dl ejam gnará fata ai 08 de forá dl 2021.

Le termin por dé jö les domandes de amisciun ala sesciun ordinara dl ejam – forá 2021 toma dales 12:00 di 08 de jená dl 2021.

Les domandes de amisciun al ejam mëss gní fates cun le formular aposta che é da ciafé te vigni direziun de scolina y scora, sön la plata web dl’Intendënza y Cultura Ladina tla seziun dles zircolares y tles injuntes de chësta comunicaziun; le formular mëss gní mené al’ Intendënza y Cultura Ladina, strada Binder 29, 39100 Balsan, email: intendenza-ladina@provinzia.bz.it, PEC: culturayintendenzaladina@pec.prov.bz.it.

Tan inant che al é n numer minim de 4 partezipantes/partezipanc, mët l’Istitut Ladin “Micurá de Rü“ a jí cursc debann por se arjigné al ejam de ladin. Les candidates interessades/i candidac interessá pó ince se informé diretamënter pro l’Istitut Ladin “Micurá de Rü” sot ai numeri de telefon 0474 523110 o 0471 794268.

Por de plü informaziuns sön i documënc nezesciars, le documënt de iscriziuns y d'atres informaziuns él a desposiziun na zircolara aposta publicada sön la plata internet dl'Intendënza scolastica ladina. 

USP/rc