Atualità

Secundo pachet de mosöres pié ia cun suzes

383 artistes y artisć á cina sëgn fat domanda por sostëgn economich. Al é ciamó tëmp cina ai 29 de setëmber 2020 por dé jö la domanda por le secundo pachet de mosöres.

Secundo pachet de mosöres pié ia cun suzes

Cun n pachet straordinar de mosöres liades al coronavirus de 1 miliun de euro sostëgn les trëi Repartiziuns por la cultura y la Junta provinziala la cultura sciöche pert dl’economia creativa y sotrissëia l’importanza dla cultura sciöche fatur economich y sozial.

Les trëi Repartiziuns culturales y la Junta provinziala ó ince dé n segnal por dé plü pëis y visibilité ala scena culturala, che á pö debojëgn de n publich. Al dess ester na visibilité adatada ala situaziun atuala, che dess daidé la cultura da tó indô sö so compit tla sozieté y da ciafé indô so post tla vita publica.

Porchël vëgnel ince ofrí la poscibilité, a chi che á le dërt da ciafé le sostëgn straordinar, da presenté, mëte fora sü laurs o cherié contac nüs tres tröpes organisaziuns partner te deplü seturs dl’ert figurativa, dl teater, dla musiga, dla leteratöra y dl film, sciöche por ejëmpl l’Uniun di Ladins Val Badia, le Circolo Lia mostra d’ert te Gherdëna, le Tublà da Nives te Sëlva, SMACH a San Martin, la Vereinigte Bühnen Bozen, le Teatro Stabile di Bolzano, la Fondazione Haydn Stiftung, le Teatro Cristallo a Balsan,le Euregio Kulturzentrum Gustav Mahler a Toblach, BASIS Vinschgau Venosta a Schlanders,  ASTRA – Zentrum für junge Kultur a Porsenú, Kunsthalle West a Lana, Ost West Club Est Ovest. Al vëgn insciö porté vita ti salfs culturai y ales artistes y ai artisć ti vëgnel pité la poscibilité da rové y se tigní en contat cun les uniuns dl ciamp cultural, y ince da se presenté dan le publich.

La domanda compilada cun la descriziun dl proiet pó gní dada jö da artistes y artisć professionisć lëdi de düc i trëi grups linguistics pro öna dles trëi Repartiziuns por la cultura cina ai 29 de setëmber. Le contribut de sostëgn straordinar é de indöt 2.000 euro por artist/a.

Por de plü informaziuns:  http://www.provinzia.bz.it/la/sorvisc-a-z.asp?bnsv_svid=1036144.

 

 

USP/USP

Galaria dales fotografies