Atualità

Regoles nöies por proes, musighes, cors y teater

Les proes dles musighes y di cors pó indô gní fates. Ince spetacui, presentaziuns de films y rapresentaziuns dan n publich pó gní metüdes a jí te döta la provinzia respetan les mosöres de segurëza.

Les proes dles musighes y di cors pó indô gní fates. Por podëi fá deboriada les proes mëss i componënc dles musighes y di cors se tigní ales mosöres de segurëza. Respet dla regola dl 1/10 y dles mosöres spezifiches sön la destanza de segurëza danter les porsones de dui metri y dles mosöres generales. Les porsones ne dess nia sté un dan dal ater, ater co le dirighënt, che mëss te chësc caje respeté na destanza de segurëza de trëi metri. Le stromënt y sü azessurs pó ma gní adorá da öna na porsona. Le stromënt vëgn puzené y dejinfeté a ciasa dan y do les proes. Vigni porsona mëss se dejinfeté les mans y se curí la bocia y le nes denanco lascé le post assegné. Les proes mëss gní fates tan inant che ara vá alaleria. Tl caje de proes daite mëssel gní respeté les mosöres de segurëza y al mëss gní daurí düc i vidri y düc i üsc altamo vigni 30 menüc. Al ti mëss gní mosoré le borjú cun le laser a düc i componënc denant che la proa mëtes man.

https://ipiunindoia.provinzia.bz.it/proes-de-musighes-y-cors.asp (por ajornamënc)

Ince i spetacui, les presentaziuns de films y les rapresentaziuns dan n publich pó sëgn gní metüdes a jí te döta la provinzia, tan inant che an se tëgn a chëstes mosöres de segurëza.

Chëstes regoles vel ince por les rapresentaziuns alaleria: I scagns, l’ocupaziun di scagns y la desposiziun dles porsones mëss garantí che al vëgnes respeté na destanza de altamo un n meter danter les porsones, che mëss ince se curí la bocia y le nes. Les porsones che ne se stopa nia la bocia y le nes mëss tres respeté na destanza de altamo dui metri. La destanza minimala de 1 meter pó ma gní smendrida sce al vëgn istalé injins de spartiziun adatá danter les porsones. Ti locai stlüc o sön sperses limitades, olache al n’é nia preodü scagns por dötes les porsones che tol pert, vëgnel preodü na limitaziun d’azes tres le respet dla regola dl 1/10, por schivé che al toles pert massa tröpes porsones. 

L’entrada y la sortida de porsones vëgn regolamentada cun l’aiüt de sistems de direziun, personal de segurëza y eventualmënter sistems de apostaziun, a na moda che les destanzes de segurëza danter les porsones vëgnes tres respetades. Al mëss ti gní mosoré le borjú cun le laser ai aturs, al personal y ai responsabli, dan i spetacui y denant che ais contat cun le publich. A vigni moda ne pón nia mëte a jí manifestaziuns daite o alaleria, olache al röia adöm mejes de porsones.

https://ipiunindoia.provinzia.bz.it/manifestaziuns-evenc.asp (por ajornamënc)

 

USP/USP