Atualità
Coronavirus: destanza de segurëza por i ejams de bi- y trilinguism
I ejams de bi- y trilinguism, i ejams monolinguai y i ejams MED preodüs gnará fac regolarmënter. Al é preodü precauziuns y na destanza de segurëza danter che che fej l’ejam.
Le Sorvisc Ejams de bi- y trilinguism lascia alsavëi cai che é i provedimënc de precauziun, do che al é gnü emané le decret dl presidënt dl Consëi di Ministri di 4 de merz sön les mosöres por tigní sö sön döt le raiun nazional la defujiun dl virus COVID-19.
Por tigní sö la defujiun dl Coronavirus vëgnel apliché, tl respet dles ordinanzes sotescrites cina sëgn dal presidënt dla Provinzia Arno Kompatscher, chëstes mosöres: pro le desfiramënt dles prozedöres d’ejam publiches s’anüzon de mosöres organisatives adatades por schivé che che che fej l’ejam sides massa daimpró un dal ater y garantí la poscibilité da respeté la destanza de altamo n meter.
Ciarede do prëibel dötes les informaziuns y i ajornamënc sön le portal web www.provinzia.bz.it/coronavirus. I ajornamënc sön i ejams de bi- y trilinguism gnará publicá sön la plata internet dla Provinzia di ejams de bi- y trilinguism.
USP/USP
