Atualità

Webinar cun l’imunologh Gänsbacher sön i temesc liá al COVID-19

L'Intendënza ladina á invié l’imunologh Bernd Gänsbacher a tigní n webinar en mercui, ai 24 de forá 2021 dales 15:00 ales 17:00.

Webinar cun l’imunologh Gänsbacher sön i temesc liá al COVID-19

Da plü co n ann sunse condizioná dala pandemia liada al Covid-19 che mët i stac a livel internazional dan da sfides nöies. Ince le monn dla scora y dla cultura á messü se confronté cun chësta situaziun nöia y svilupé strategies por chirí y ciafé soluziuns a chësc problem.

Pro chësc alda ince le se informé y confronté cun persones espertes sön chësc ciamp. L’Intendënza ladina á porchël invié l’imunologh prof. dr. Bernd Gänsbacher a tigní na incuntada tres n webinar, te chël che al jará ite sön la storia y i problems liá al COVID-19. Le webinar gnará tigní 

en mercui, ai 24 de forá dl 2021

dales 15:00 ales 17:00

online 

y á sciöche destinatars direturies, personal pedagogich y insegnant dles scolines y dles scores, i referënc y les referëntes Covid, rapresentanc y rapresentantes di geniturs y de studëntes y studënc y geniturs interessá.

Al portará so salüt l’assessur ala scora y cultura ladina Daniel Alfreider, l’intendënta Edith Ploner. Prof. Gänsbacher fajará sciöche input n so referat y jará spo dedô ite sön le domandes dl publich.

La moderaziun é de Emanuel Gravino, colaboradú dl referat por la promoziun dla sanité tl Zënter de competënza inclujiun y consulënza. 

USP/ASP

Galaria dales fotografies