Da n lingaz al ater zënza fadia!

Da n lingaz al ater zënza fadia!

Arateste ince tö

  • che al fej plajëi da capí y baié lingac desvalis?
  • che al foss por düc n vantaje sce an podess baié de plü lingac?
  • che al vel le prinzip da s’infidé fora dla tënora dl perfezionism canche i baiun lingac desvalis y che ara se trata ma da avëi le coraje y la ligrëza da se tripé impara?

Oste ti fá gní vëia a tü coetans da conësce de plü lingac?

Aste danter 16 y 22 agn?

Spo este sön la dërta plata internet: i chiriun propostes originales y particolares che fej gní vëia da baié de plü lingac.

Baia sö val’compagn o compagna o zacai che te conësces y tol pert a chësc concurs d’idees!

Tó pert al concurs d’idees pó düc i jogn y les jones danter 16 y 22 agn che vir tl Südtirol. Les idees mëss gní presentades dal grup, chël ó dí che al é da lauré y ciafé na idea deboriada.

Osta idea ne mëss nia gní laurada fora perfetamënter: al basta che i nes menëis n pröm sböz, n video, n audio o ince ma na cërcia de osta idea.

Sce tö y tü compagns/tües compagnes davagnëis, podarëise realisé osta idea cun le sostëgn de profescionisć dl setur.

Informaziuns plü avisa é da ciafé tla bandida dl concurs d’idees:

Co fajesseste pa tö da ti fá capí a tües compagnes y tü compagns tan important y cool ch'al é da baié y capí de plü lingac?

Mët adöm n grup de 4 cina 6 porsones che la pënsa sciöche tö y tol pert a nosc concurs d'idees!

Lascede jí osta fantasia: i podëis fá n videoclip, tó Tik Tok o fotografies, organisé n poetry slam, inventé n videojüch o na ciantia - al ne ti vëgn metü degügn limic a osta fantasia.

Rovede adöm te sentades virtuales y ciarede da ester deboriada creatifs!

Sce i s'incuntëis tla vita reala, respetede les mosöres de segurëza varëntes.

Le grup che davagna ciafa n sostëgn profescional da realisé süa idea che vëgn spo adorada te döt le Südtirol sciöche campagna de sensibilisaziun al plurilinguism.

Implü él ince tröc de bi pesć de scioldi da davagné.

Chisc é i documënc che mëss gní dá jö cina ai 23 d'agost dl 2020:

I podëis dé jö chisc documënc tres PEC weiterbildung@pec.prov.bz.it, a man o por posta: Amt für Weiterbildung, A.-Hofer-Str. 18, BZ. Sce i menëis döt por posta velel le timber dla posta.