Reconescimënt de zertificac linguistics
I zertificac linguistics che vëgn relasciá da istituziuns internazionales reconesciüdes do avëi passé n ejam de lingaz aposta vëgn ince reconesciüs por l’ejam de bilinguism. Düc chisc zertificac se orientëia al Cheder de referimënt europeich en comunanza por i lingac y ti corespogn ai liví dl ejam de bilinguism aladô dla tabela chiló dessot.
| Cheder de referimënt europeich en comunanza por i lingac | Atestat de bilinguism |
|---|---|
| C2 | / |
| C1 | A |
| B2 | B |
| B1 | C |
| A2 | D |
| A1 | / |
Zertificac linguistics reconesciüs
Metede averda: al ne vëgn nia reconesciü i atestac che zertifichëia la frecuënza de cursc de lingaz gnanca cun n ejam final passé cun suzes o d’atri zertificac linguistics dá fora da scores de lingaz nia zertificades ofizialmënter.
Por che Osc zertificat linguistich vëgnes reconesciü, messëise ciamó fá n ejam monolingual tl lingaz nia zertifiché chiló da nos, belanfat cal che é Osc lingaz dla uma y Osc titul de stüde. Chiló dessot ciafëise na descriziun dl ejam por vigni livel.
Che?
Dötes les porsones interessades - anfat de ci nazionalité - pó te vigni momënt damané do le reconescimënt de zertificac linguistics por ciafé l'atestat de bilinguism. L'amisciun n'é nia liada a n titul de stüde. Sce an ó damané le reconescimënt de n zertificat linguistich de n livel che ne ti corespogn nia al diplom arjunt, pón zënzater le fá.
Co?
Por düc i liví vëgnel azerté sides les competënzes da ascuté sö y capí n test scrit, che ince les competënzes da lí y baié n lingaz.
An pó damané le reconescimënt de n zertificat linguistich ma por un n livel d'ejam su. Pornanche chësc percurs é stlüt jö pón indô presenté domanda por le medemo livel o por n ater livel. La domanda pó gní fata te vigni momënt online tres le SPID (co funzionëia pa l’iscriziun online).
SCE I N’ËIS NIA CIAMÓ CUMPLÍ 18 AGN: podarëise adoré le SPID di geniturs.
Le calënder di ejams vëgn elaboré eletronicamënter y te n ordin cronologich. Al momënt aspeton presciapüch 3-4 mëisc da canche an á presenté la domanda.
La domanda de reconescimënt de zertificac linguistics y l'ejam te un n lingaz é debann.
Olá?
La sora sënta di ejams é a Balsan tla strada Alto Adige 50 a Balsan tla alzada a tera. Cun i mesi publics él saurí da ti rové pormez ala sënta nöia di ejams.
Can?
I ejams te un n lingaz vëgn tignis fora por döt l'ann te un n de cun scomenciamënt dales 8:30.
Le termin dl ejam pó gní sburlé n iade su, sce ara ne vá nia da ester presënc en le de dl ejam, cun na telefonada o na e-mail.
Problems cun la data dl ejam
Resultat dl ejam
Le resultat dl ejam vëgn lascé alsavëi: te trëi dis da laur do la data dl ejam, por scrit tres e-mail y/o n sms de notificaziun che ves inviëia a jí ite, tres SPID, te osc raiun personal de myCIVIS por lí le resultat. I ciafarëis ince les valutaziuns dla comisciun d’ejam y l’atestat de presënza.
Sce i orëis na copia dla proa d'ejam scrita, podëise nes ortié na e-mail a ebt@provincia.bz.it ajuntan na copia dl documënt d'identité.
Sce i orëis podëise ince tó n termin por ti ciaré ala proa scrita. Le termin pó gní tut o tres e-mail o cherdan sö le numer 0471 413900.
L'atestat dl ejam de ladin
Sce i ëis passé l’ejam é osc atestat de trilinguism tl format digital diretamënt te osc raiun personal de myCIVIS. Chësc documënt vel a livel iuridich ma tl format digital. Chësc ó dí che al ne vá nia debojëgn da gní te nüsc ofizi a do l'atestat sön papier, ajache sëgn é l’atestat digital original.
