Reconescimënt de titui de stüde
Impede fá l'ejam de bilinguism de livel C1 (livel A da n iade) vára da se fá reconësce dui titui de stüde, un n todësch y un n talian. Te chësc caje ne vára nia debojëgn da fá ejams surapró.
Combinaziuns poscibles:
- diplom de maturité arjunt te un n lingaz y diplom universitar de pröm degré arjunt tl ater lingaz,
- diplom universitar de pröm degré te un n lingaz y master de secundo degré tl ater lingaz.
La condiziun che vá debojëgn é che altamo l’80% dl stüde o di ejams sides gnüs fac tl lingaz damané. Chësc vëigon sön le plann de stüde che é da injunté ala domanda y da chël che al resultëia ince le lingaz d’ejam relatif y le credit formatif arjunt (CFU).
BUN DA SAVËI
Al ne vëgn nia reconesciü chisc stüdi, deache ai ne vëgn en gran pert nia tignis te un di dui lingac (talian o todësch):
- le stüde te trëi lingac tl'Univerité Lëdia de Balsan
- le stüde te dui lingac tla Scora Alta de Sanité “Claudiana”
- le stüde bilingual integré de iurisprudënza ("integriertes Diplomstudium der Rechtswissenschaften") tl'Université de Desproch
|
Matura por talian |
+ stüde universitar por todësch
|
|
Matura por todësch |
+ stüde universitar por talian
|
|
Laurea aladô dl ordinamënt de stüde vedl y nü por talian |
+ stüde universitar por todësch
|
|
Laurea aladô dl ordinamënt de stüde vedl y nü por todësch |
+ stüde universitar por talian
|
|
Laurea spezialistica/Laurea magistrala aladô dl ordinamënt de stüde vedl y nü por talian |
+ stüde universitar por todësch
|
|
Laurea spezialistica/Laurea magistrala aladô dl ordinamënt de stüde vedl y nü por todësch |
+ stüde universitar por talian
|
Che?
Dötes les porsones interessades - anfat de ci nazionalité - che á i titui de stüde preodüs pó te vigni momënt damané do le reconescimënt de titui de stüde por ciafé l'atestat de bilinguism A.
Co?
I podëis damané do online clican sön le link Iscriziun online y chiron fora Reconescimënt de titui de stüde. I podëis injunté na copia di titui de stüde, sciöche ince le plann de stüde da chël che an vëiga te ci lingaz che i ëis fat i ejams.
Olá?
Les domandes pó ma gní dades jö pro le Sorvisc d'ejams de bi-y trilinguism tla via Dr.-Julius-Perathoner 10, 39100 Balsan, tla secunda alzada.
Can?
La domanda de reconescimënt de titui de stüde pó gní fata te vigni momënt y ara vëgn tuta en conscidraziun te n ordin cronologich. I tëmps d'elaboraziun dles domandes depënn dala sort de titui de stüde da valuté. An pó contaté la porsona de referimënt dada dant sön la confermaziun de recioiüda y an ciafará informaziuns plü avisa sön co che ara stá cun la domanda y sön tan dî che ara döra ciamó.
L'atestat de bilinguism
Le resultat dl ejam vëgn lascé alsavëi te trëi dis de laur dala data dl ejam tres na e-mail y/o n sms de notificaziun, che inviëia a jí sön myCIVIS a lí le resultat. Chiló ciafon ince les valutaziuns dla comisciun d’ejam y l’atestat de presënza. Che che á fat l’ejam dai 8 d’agost dl 2019 inant ciafará l’atestat de bi-y trilinguism tl format digital diretamënter por e-mail y implü sarál ince tres da ciafé tl raiun personal de my CIVIS. Chësc documënt vel ma tl format digital. An pó sambëgn tres ciamó gní personalmënter te nosc ofize a se do na copia autentica dl atestat se tolon para n documënt d’identité varënt.
