Problems cun la data dl ejam

Assënzes en le de dl ejam

! Sce i ne sciafiës nia da gní a fá l’ejam messëise desdí altamo trëi dis da laur dan la data dl ejam, ater co por rajuns cumprovades (por ej. maratia atestada cun le zertificat dl dotur). Sce i ne lascëis nia alsavëi che i ne gnëis nia a fá l’ejam altamo trëi dis dan l’ejam ne podëise nia fá ejams, ves scrí ite a n ejam o damané da fá denant n ejam por sis mëisc alalungia.

Sburlé la data dl ejam

I ves periun bel da nes lascé alsavëi atira pornanche i ciafëis l’invit da gní a fá l’ejam, sce i ne sciafiëis nia da gní a fá l’ejam.

! METEDE AVERDA Ara vá ma da sburlé l’ejam n iade su y chël de alplü n mëis. Sce i orëis sburlé l’ejam messëise damané do altamo trëi dis da laur dan l’ejam, ater co por rajuns cumprovades.

Contatesse tres e-mail: el@provincia.bz.it o cherdede sö le: 0471/413900 y al ves gnará dé na data d’ejam nöia le plü adora che ara vá.

Le post che gnará lëde cun osta desdita, ti podará gní dé a n’atra candidata o a n ater candidat. A chësta moda vëgnel limité le plü che ara vá le numer de porsones assëntes.

Antizipé la data dl ejam

Aladô di criters por la valutaziun y l'azertamënt dla conescënza di lingac talian y todësch [TI1] - art. 3 dl DPR 26.07.1976 n. 752 y mudaziuns suandëntes y integraziuns, publiché sön le Boletin Ofizial n. 2/IV di 13.01.2014, sciöche ince cun deliberaziun dla Junta nr. 405 di 14 de jügn dl 2022, - pó l'ejam gní antizipé por tó pert a n concurs publich che toma tosc por chël che an adora l’atestat de conescënza di lingac talian, todësch y ladin, tan inant che al é les condiziuns dal punt de odüda organisatif.

! Por damané da fá denant l’ejam messëise scrí fora le formular aposta y le ortié tres e-mail tl format PDF cun la documentaziun che alda lapró a: el@provincia.bz.it.

De plü informaziuns ciafëise al telefon: 0471 413900 o 0471 413903 o tres e-mail: el@provincia.bz.it